【沪语】弄堂里的洋泾浜

 大家好，新上海人学上海闲话，我是Sia。今天继续和Sia一起练习上海话吧！

    “洋泾浜”老底仔是旧上海一条河浜。自从上海成为通商口岸后，外国商人蜂拥而来，“洋泾浜”正好勒拉英法租界当中，洋行、买办侪聚集到搿搭，附近上海人为了跟伊拉交流，就从模仿开始一眼眼讲起英文来，水平肯定是老搭浆个。而“洋泾浜”就变成了“夹生英语”个代名字，后来一部分“夹生英语”就成了上海话里向个“外来语”。

今朝讲讲“弄堂里个洋泾浜”当然勿是指所有“夹生英语”，洋行、官场、舞厅等特殊场合里个“洋泾浜”太专业。而弄堂里常用个“洋泾浜”已经融进日常生活当中，成为上海宁侪熟悉个习惯用语。比如弄堂里经常看到有人白相纸牌，“洋泾浜”纸牌叫“扑克”，这已经成为正式中文词汇。“沙哈”是一种扑克游戏，白相个辰光讲“派司”是放弃，“达波尔”指翻倍，假使只要一半就讲“哈夫”，最后一张叫“拉斯特”，得第一称作“拿摩温”，表扬打得好讲“万利谷”，赢得最多是“稳得福”。

　　我搿搭用打扑克个过程，就归纳了弄堂里向常用个“洋泾浜”，其实伊拉个使用范围老广个。

另外还有一点生活用品，比如扁锅子叫“发来盘Frying Pan;”，门锁叫“斯别林spring”，水龙头叫“凡尔valve”，水泥地叫“水门汀cement”，拐杖叫“斯迪克stick”，床垫叫“席梦思Simmons”，短外套叫“夹克jacket”，长外套叫“派克parka”，证件叫“派司pass”、消毒水叫作“兰沙水lysol”等等，搿眼“洋泾浜”已经彻底融入上海闲话里了。

　　还有勿少“舶来品”勿一定侪译成“洋泾浜”，而是直接勒拉前头加个“洋”字。比如：洋伞、洋火、洋蜡烛、洋铅桶、洋车、洋风炉等。西式房子叫洋房，西式服装叫洋装，当众丢丑叫作出洋相，真是勿一而足。虽然这点“洋泾浜”实质上留有“殖民”个痕迹，但伊拉反映了一段真实个历史，也是上海“海纳百川”个一部分。  

【文稿来源】@阿拉顶呱呱 《经典上海闲话 沪语》广播专辑 ：经典上海闲话 47 弄堂里个“洋泾浜”