《胡不歸之哭墳》新馬師曾 附曲詞

文萍生——新馬師曾

【倒板】

凄涼苦肺，

（叫白：顰妹，顰妹，顰妹，）

【苦喉慢板長句滾花】

你胡不歸，妻你胡不歸，

傷心人似好比只杜鵑啼，

人間慘問今何世，淚夫成血呼句吾妻，

妻啊，我呼盡千聲你都全不安慰，

又怕飄零紅粉，恨長埋

妻啊你胡不歸，妻啊你胡不歸，

睇下荒林景色路凄迷，傷心忍作回家計，

護花無力化春泥，

我若找不到嬌妻，我寧愿做一只情場嘅猛鬼，

萍生：（口古：嚇！你唔係春桃？）

春桃：（白：係啊少爺）

萍生：（口古：春桃，亞少奶現在係邊處，你快啲對我講明原委？）

春桃：（口古：少爺，少奶係你嘅，點解問到我啲丫環咁滑稽？）

萍生：（口古：春桃，我已經無限傷心，好心你就唔好將我翳啦）

春桃：（口古：你估剩係你傷心，可憐少奶佢為你，慘不堪提）

萍生：（口古：佢慘成點啊？你快啲對我講明原委）

春桃：（口古：可憐少奶為少爺你嘅原故，佢已經一命歸西）

【哭相思】啊……妻罷妻啊

【滾花】好比晴天霹靂，恨壓天低，你知否佢葬在何方？

可否帶我墳頭哭祭。

春桃：【白欖】真慘凄，確慘凄，少奶佢日日望夫歸，死了已兼旬，就在靈山后背底，奴婢可引導，等待少爺你祭亡妻，祭亡妻

【哭相思】啊……蘋妹

（白：真係胡不歸兮胡不歸，歸來慘見恨長埋，仲說什么我我卿卿甘為鬼，我怨一句天來，我低喚一句妻，罷妻啊）

【哭墳】

胡胡不歸，胡胡不歸，

杜鵑啼，聲聲泣血桃花底，

最慘凄，最慘凄，杜鵑啼，

堪嗟嘆人間今何世，聽復聽兮，

還鄉客子恨春歸，聽復聽兮，

樓頭少婦傷春逝，

那子規，那子規，底事撩人，

嗚嗚啼，嗚嗚啼，底事聲聲，

胡胡不歸，胡胡不歸

【乙反二王】

月冷风呀凄，凄凉雪涕。

香魂惨逝呀，恨海凄迷。

薄命怜卿呀，卿呀你逢劫厉。

归来空自嘆，唤魂兮。

夜台若许我为情鬼。

我寧愿合欢花豔，寧愿共长埋。

虧我血泪空挥，今日情难撫慰。

此后陰陽，除非是相會午夜魂歸

睇下花落鸟啼惨对我凄凉，哭祭。

【快合尺花】

真係卿死，猶我死，

今日我歸，做乜難覓卿歸，

說話間身在浪里飄蓬，好似魂不附體，

真係綿綿此恨，無了期。