《臥薪嘗膽》下卷 新馬師曾 鄭幗寶 附曲詞

撰曲：馮志芬

勾踐——新馬師曾

西施——鄭幗寶

越后——麥秋儂

夫差——新麥炳榮

范蠡——文千歲

伯嚭——曾雲飛

（帥牌文武百官同上介）

子胥：（白：列位同僚請了）

眾百官：（同白：請了）

子胥：【口古】大王今夜設宴在姑蘇臺，特賜文武百官開懷暢飲，聞得越邦進來二美，送給大王享樂，相信越王一定有不軌嘅居心。

眾百官：（同白：有請主上）

吳王：【排子引白】當年吳越兩相爭，南征北剿逐胡塵，壯志已酬人未老，今夜姑蘇同宴慶功勛。【花上句】問一聲你兩個敗國君臣，何以一旦美入吳宮，抑或你哋存心有鬼混。（尺）（白：係唔係？）

勾踐：【浣紗溪】大王，低頭乞罪莫疑雲，君你待我恩厚難忘，把我超生，心憂君抱病，特命佢選二美，免使吳宮夜冷，侍奉無人。

越后、范蠡：【和尚思妻】人就嘅係人，訓亦常自訓，自古話感恩不報，點稱算為之人。

越后：我夫君今日托超生，佢嘅良心亦未泯，佢話今生不得報，只愿別世犬馬之恩

范蠡：佢知君抱病在身，瞓佢都唔愿瞓，忍見你孤衾枕冷都騰騰震，佢想話慰解你，知又無能，所以自思和自諗

勾踐：心欲自念，自念感恩深，所以特命特命佢訪嬌珍，作個護花前衛禁，問心無別意，不過命卿尋二美，只望伴君得過日辰。

伯嚭：【白欖】阿大王，係咁就朝相親，夜相親，我王消受到美人恩，佢夫婦都算得關懷，個良心亦算係咁，不如宣上二美，包管聖上你實開心，你實開心。

吳王：【口古】孤家傳旨內臣，命鄭旦西施衣冠朝謹

伯嚭：【口古】領命，呔！大王有旨，命西施鄭旦速上臺行。

西施：【慢板】昨夜驛館倆相偎，今日姑蘇如陌路，奴縱有萬般心事，你話我苦向誰陳

鄭旦：我本是裙布一荊釵，今已在吳宮身作貴，惟愿獲寵承歡，吐盡心中妒恨。

西施、鄭旦：（二人同白：叩見吳王萬歲萬萬歲）

吳王：（三笑白：哈哈，哈哈，哈哈）【花下句】喜得兩朵名花堪耀眼，竟為孤王選得此絕代美人，勾踐你真可算先得我心，孤家都不知如何將你酬贈

勾踐：（白：大王）【花下句】常念君恩如海，自愧報主都無能，但求博取大王你一刻歡心，尤勝我勾踐有十年嘅快感。

鄭旦：【口古】恭喜阿大王你有此不異之臣，又能句體貼君心，但係又唔知佢會唔會敬杯酒俾我哋飲呢？

伯嚭：【口古】咁小事干一定做得到有馀，佢時時都有講㗎，佢話阿大王待佢夫婦恩同再造，慢講話敬酒，就算係大王叫佢食屎，佢相信一定開心嘅。

吳王：【口古】勾踐，你素來體善孤家，快此上前代表孤家向兩位美人將酒獻飲。

越后：【口古】係囉，你既然知道主上一向待你恩如山重（一才）

范蠡：【口古】請主上你無多自苦，唔爭在博取埋呢一次嘅歡心。

勾踐：【反線中板】真係暗驚心，我險些情暴露，都只為一語太難堪，恨煞呢只小春鶯，佢一朝羽翼得長成，便飛向他家求托蔭，真係嘆人情如同紙薄，惟憐此末路孤臣，無奈且吞聲，仲要強作歡顏，笑向在人前嚟獻飲，我望開懷，今夜與君王同享樂，莫負此花月良辰。【花】請恕我適間有待慢兩位貴人，望勿怪我一時無禮甚。（白：兩位貴人請酒）

西施：【花下句】我手拈杯酒，都不知道是苦是甘，奴奴飲則有辱國君，唉，不飲又怕大王會發擝。（白：謝大王）

吳王：（白：好好好）【快中板下句】不愁病榻侍奉無人，勾踐之心殊可感，選來二美伴寡人。【轉花】孤王釋放你夫婦回鄉（一才）

勾踐：【花上半句】咁我叩謝王恩深銘感

子胥：（怒白：且慢）【連環西皮】心火滾，心火滾，勾踐佢欺人，對大王非真心

吳王：（一才）【沉花】哎吔吔，老卿家你何所見而雲

子胥：【快白欖】勾踐佢計攻心，久已都謀非份，婢膝都更奴顏，無非博取王信任，如果佢咁忠心，叫佢食屎就肯唔肯（一才）

吳王：（白：咁做法太過啲啩）

鄭旦：（白：主上，伍相講得啱喇，有道畫虎畫皮難畫骨，而且知人口面不知心，待佢嘗下亦知道我王嘅病源深淺）

吳王：（白：好啊，宮人快入宮幃取糞出來！）

（太監領命下）

勾踐：（另場）【長句花】心悲憤，心悲憤，此情此景都寧堪問，你睇佢目中無我都又無人，佢仲笑罵相加何太甚，縱有七分怒火，我都要化作笑面迎人。【花】大王你恩義待我勝天高，我呢個待罪死囚又更何足恨。

西施：（白：你忍耐下啦)【長句花下句】君休恨，君休恨，為國復仇當強忍，頓開金鎖任龍騰，大王待你殊可感，所謂有恩不報非君子（才）有仇不報枉為人。（合）

越后：【高句長句花】西施一席言，可見聰明甚，縱有艱難為強忍，且待雲開月再臨，君有似海襟懷，應恕此無知紅粉。

（快地錦，太監持糞一盎上介）

吳王：【口古】勾踐，你若對孤王忠心，快以事實答復伍員嘅疑問

勾踐：【口古】大王，勾踐當能遵旨，以表我耿耿忠心。（試糞介白）唔，唔，唔錯阿大王，冇乜嘢大王。（持糞盎唱）【連環扣】實覺實覺心不甘，我受辱於人，我一腔怒憤，怎奈我在吳邦難堪長受困，此際食屎都要笑吟吟，御糞味帶芳甘芬，哈，陣陣仲香騰，倘若帶苦添病困，可賀你平安我難得嘗御糞，你嘅大恩我報未能，唉，如今回邦從今作不叛臣，世代全長入覲，敝邦永為臣，若然敝國得沾恩，年年入貢稱臣報天恩

伯嚭：（白：大王，勾踐佢屎都肯食，咁就證明佢臣服大王你啦，好應該放人哋誃喇啩）

吳王：（白：好啦）【快中板下句】孤王腑順美人心【花】釋放勾踐回邦，此后你要年年入覲

勾踐：（白：遵命）【花下句】咁我拜別大王回國去，（介）待他捲土重臨（上）