第十三集：相睇（2） 演绎：麦麦+momo+啦啦

场景—相睇（2） 演绎：麦+mo+啦
麦麦扮演：妈咪、陈姨
mo 扮演：阿伟
啦啦扮演：美雪
茶楼客房中
妈咪：美雪，噉你有咩兴趣爱好啊？
美雪：我锺意唱歌，画画，有时会打下羽毛球
陈姨：美雪好乖女架，又有礼貌，平时仲会去做义工添…
（伟低头发信息中）
伟：你起身未呀，喺度做紧乜呀？
麦：起咗喇，今日天气好啊。我啱啱换咗床单，而家洗紧。
伟：你下午有咩搞啊？
麦：头先cc约晏昼唱K喎
伟：可唔可以 Join埋我先
麦：我等阵问下cc
妈咪：（细声讲）咪挂住玩手机啦，同美雪倾下偈啊
妈咪：陈姨，我哋去楼下商场超市度买啲餸咯。
陈姨：好啊，咁你哋两个慢慢喺度倾下。
陈姨：（细声对美雪讲）好好了解下
………………………………
（茶楼客房剩下美雪和伟）
美雪：你平时锺意做运动吗？
伟：我对运动一般嘅咋，顶笼就行下山
美雪：行山我都锺意喎，如果有机会~约埋一齐啊
伟：嗯，你食饱未呀？
美雪：嗯，食饱喇。你有事呀？
伟：係啊，噉我埋单先。
美雪：你係咪有啲抵触呀？其实交个朋友都冇坏啊，我哋而家交友圈子咁窄。
伟：唔係，我真係有啲事
美雪：噉我哋加Wechat呀。你唔使送我喇，我返到去会畀信息你喇。
伟：好，噉我走先喇！