第六集：家长会（上） 演绎：麦+mo

情感连载故事系列—家长会（上集） 演绎：麦麦+momo

伟：我返嚟喇。
妈咪：哦，你返嚟喇。快啲去洗手，唞一阵…差唔多食饭喇。
（妹妹从房间走出来）
琪琪：大佬…你落班返嚟喇。辛苦晒��快啲除个背囊，除埋件外套，我帮你放好佢��
伟：你今日做乜咁好死呀…平时叫你，都唔会应我一声。
琪琪：讲呢啲��大佬，入房先讲啊，快啲啦。
（扯着哥哥进房间）
伟:搞咩呀，神神秘秘…
琪琪：大佬，周五晏昼嚟我学校开个家长会��
伟：开家长会做乜叫我去呀？叫妈咪啦…而且我周五晏昼（下午）唔得闲。
琪琪：长兄为父吖嘛，你去就啱喇。你点会唔得闲呢，仲约咗个靓女三点饮下午茶��
伟：作死吖，你居然偷睇我微信！�
琪琪：冇啊，我冇啊…係上次借你部 iPad 玩嘅时候，你个 Wechat 挂喺嗰度冇落线，我无意中睇到你嘅信息咋。
（妈咪敲门，叫他们吃饭）
妈咪：喂，两个匿埋喺间房度做咩呀？快啲出嚟食饭喇。
琪琪：哦，嚟喇……大佬，一于噉话啦。周五下午两点半，学校门口见。