听众来信 | 12年了，只可以话有缘无分（附文本）

获取本节目图文、视频和配乐请搜索公众微信号：NJ宇婷 抖音号：NJ宇婷

另外宇婷成立个粤语速成班【（个人微信号：592921525咨询报名、或需要自学粤语课件+视频+音频mp3（实用性强）的朋友也可添加咨询】

孙耀威--《爱的故事》（上集）

听众来信：吖苏

你好，宇婷！

我叫苏，哩个系佢送俾我嘅称呼，佢系我初中初三转校后嘅同学！依家，佢已经嫁佐人，并且BB都两岁喇，我都有佐女朋友！对佢嘅感情变成佐一个心结，12年嘅心结。

2007年初三转校，第一眼就对佢产生好感，行即将要面对嘅中考，我帮佢补习理科，佢帮我补习英语，相互帮助之中，我渐渐对佢好感加深，佢标志嘅容貌，迷人嘅双眼我都记得清清楚楚。

高中我地考到唔同嘅学校，我依旧联系住佢，但系个时开始我生佐好多青春痘，而佢越来越靓女，面对佢我好自卑，仲知道好多男仔追佢。我就忍唔住喇，惊佢俾人追到，专登叫好朋友打电话俾佢，话俾佢知我中意佢，佢当时无同意，但又无拒绝我，就话大家做住朋友先！我听到已经高兴到不得了！因为我知道我系有希望嘅！无几耐，我又知道佢系学校同个男仔拍佐拖，后尾又分佐手，分手后见佢空间发表滴野系好伤心难过，我好心痛，心痛点解有人会唔要佢，令佢如此难受！但系我地就系普通朋友，佢都知道我会系哩个时候同佢亲自表白，所以都系一直避开我，甚至乎换佐手机号码！

过后，我通过好多佢学校滴朋友私底下关心佢，帮佢。我为佢做嘅野，貌似佢最尾都知道喇，因此高考完后，我再次向佢表白，成功喇！高三个暑假就变成我最美好嘅回忆，永远都记得！但，好景不长，我复读，佢上大学，我地就分手喇，佢话，我地仲系朋友，虽然我唔舍得，但佢开心就好，我都唔会难为佢。我仍旧同佢保持联系，但系只得朋友身份！

复读期间，我屋企发生变故，欠佐笔债，爹地妈咪闹离婚，对我打击好大。而佢上大学，我所打探到嘅系，佢依然好多男仔追求，貌似生活过得都唔错。加上，佢大学读三年就毕业喇，我仲要读四年，比佢晚毕业两年！对比起身，我面对佢更加自卑，上大学个阵都唔敢联系佢太多。反而，佢有滴唔开心嘅野都会打电话过嚟，揾我倾诉。记得有晚夜，佢心情好差，仲饮醉佐，好似失恋咁，打电话同我讲，如果佢25岁未结婚，我地就响埋一起！哩点系我唯一报有希望嘅地方，希望以后仲有追求佢嘅机会！

所以，大四一实习，我就出嚟搵工喇，希望搏命工作，早滴有实力，争取25岁前可以俾佢想要嘅安全感。天意弄人，2016年，我毕业后无几耐，佢系微信发佐个红色炸弹过嚟，个阵，佢未够25岁。我心痛佐好耐，最终都无勇气去参加佢婚礼！过后，同朋友打听到佢老公家境唔错，应该会俾佢一个好好嘅条件，听到哩度，我最后担心件事就放心喇！

佢婚后，凡系有佢嘅朋友同学聚会，我都尽力避开，因为我想要自己冷静，冷静放低佢！期间，我俾我死党质疑我点解唔搵佢表露心声讲清楚，话我唔够男人，话做佐几年备胎……哩滴我通通一笑而过，因为自己咩情况自己清楚，只要佢过得好就得，佢过得好我都高兴，感情世界无得勉强！

今年过年期间，我地微信倾计，回忆翻以前滴野。

佢话:其实佢结婚前一直都有中意我。同样因为好多原因，无同我讲！

听到哩度，我对佢又爱又恨，点解佢唔早滴话我知，我一直就系等佢俾我一个肯定。之前就话无条件娶佢，依家，条件满足佐，但系佢已经结婚喇，同样，我都有佐要照顾一世嘅对方！

12年，话长唔长，话短唔短，对于男仔来讲，最无奈嘅系:系我最无力嘅年纪遇上最想照顾嘅人；最心酸嘅系:等我有佐能力，你已经嫁人喇！

依家，晚黑偶尔会捻到佢，去到熟悉嘅地方仲会捻到佢，但系，需要我照顾嘅人已经唔系佢喇！万千思绪，只可以话有缘无分。只要佢过得开心，快乐，我觉得我12年就唔算系浪费！