粤读时光 21 ： 从实际出发一定对吗？

粤读时光，看见生命中嘅光。 

Hello，你好。

我最近喺YouTube睇到一个youtuber,

佢嘅一个视频启发咗我，

所以我想同你分享一下我嘅心得。

下面嘅内容冇乜嘢实际嘅意义，

但系如果你想听我乱噏，

欢迎继续听落去。

先嚟介绍一下呢个youtuber,

佢嘅名叫小船，

佢嘅频道系介绍利用网络赚钱嘅方法嘅。

其实我唔知道呢啲方法系唔系真嘅，

不过我觉得佢嘅思维方式值得了解。

小船喺一个视频讲咗佢自己嘅成长经历，

听完之后，

我觉得启发几大。

我将链接放喺呢度，

有兴趣嘅人可以爬墙去睇吓。 

https://www.youtube.com/watch?v=TG9ulWsrF_s

我有啲唔系好记得小船嘅原话，

佢大概嘅意思系，

西方人同东方人喺思考方面有唔同嘅方法，

东方人喺考虑人生嗰时，

中意从实际出发，

例如喺考虑应该做乜嘢工作，

或者拣乜嘢生活方式嗰时，

都会从自己嘅世纪情况出发。

而西方人更加中意从梦想出发，

思考自己到底想要一个点样嘅人生，

然后尝试去追求咁样嘅生活。

小船喺实际生活中，

用嘅系西方人嘅思维方式，

佢嘅思考方式系我想要点样嘅生活，

我要点样做先可以获得咁样嘅生活。

然后佢就用超级强大嘅行动力去争取咁样嘅生活。 

我赞同小船嘅呢种生活态度，

先要知道自己想要嘅生活嘅样，

然后努力去靠近。

根据我嘅生活经验，

先知道自己想要乜嘢，

然后去努力去追求自己想要嘅生活，

系有可能慢慢靠近自己嘅梦想嘅。

其实点解要先知道自己想要乜嘢呢？

我觉得咁样其实系帮自己揾到奋斗嘅动力。

好多人都话自己有拖延症，

其实有可能你只不过系冇咁想得到呢样嘢。

如果你曾经有过好想做一件事嘅冲动，

如果曾经热爱过一样嘢，

如果你仲记得嗰种感觉，

你就会明白梦想对于行动嘅重要性，

如果你好渴望做一件事，

咁你就会优先即刻做呢件事，

如果有困难，

你就会谂办法解决困难。 

你唔会帮自己揾籍口，

你唔会揾理由拖延，

因为你太渴望做呢件事。

呢个就系点解我觉得知道自己想要乜嘢，

或者拥有梦想嘅重要性，

佢可以帮你克服困难，

增加行动力。

为咗梦想而努力嘅努力，

其实根本唔可以讲系努力，

因为实现梦想嘅过程其实系享受人生嘅过程。

如果你曾经有过热爱嘅嘢，

或者你曾经做过热爱嘅嘢，

如果你宜家仲记得嗰种感觉，

做紧自己热爱嘅嘢嘅感觉就系享受，

你中意嗰段时间嘅每分每秒，

你中意全情投入，

你连结果都唔在乎，

因为无论结果点样，

你都好开心。

就好似摩西婆婆讲嘅咁样，

画画就系画画嘅奖励，

唱歌就系唱歌嘅奖励咁样，

精于求精，

超越自我根本就唔系一样折磨，

而系自己对更加美好嘅追求。

呢种感觉系真实存在嘅。

我感受过呢种感觉。

我几年前用过一个月嘅时间画一幅画，

原画好复杂，

我嗰时每日都喺夜晚食完饭之后画画，

一直画到夜晚十一点几，

第二日朝早又一早起身，

画几笔再翻工，

我嗰时真系觉得好开心，

一啲都唔觉得辛苦，

有时睇到够时间训教，

仲有啲唔舍得嘅感觉。

听讲人嘅动力来源有两种，

恐惧同爱。

人会因为惊所以搏命挣扎，

人都会因为热爱而努力奋斗，

搏命挣扎同努力奋斗之间嘅唔同系乜嘢？

努一样嘅力，

挨一样嘅夜，

都唔放弃自己，

受嘅苦有可能系一样嘅，

但系奋斗比挣扎幸福感更高，

起码自己谂翻转头嗰时，

会知道支撑自己嘅系一个甜蜜嘅梦想，

而唔系一个得人惊嘅阴影。 

有时人讲起梦想，

会觉得梦想遥不可及，

其实人对未来冇一个完整嘅把握，

对梦想嘅可达成性，

其实都系建设喺我哋自己嘅见识上面。

我哋有可能放大咗一啲困难，

亦有可能低估咗未来可能会发生嘅事，

我嘅意思系你觉得梦想遥不可及，

有可能系你自己嘅见识限制咗你嘅心灵。

成就自己，

唔好阉割自己嘅梦想，

激发自己，

唔好等自己做一只温水嘅青蛙，

启发自己，

唔好限制自己。

可能生活一地鸡毛，

但系如果你愿意从积极嘅角度面对生活，

努力改变，

一地鸡毛都可以变成一只有用嘅鸡毛扫。

粤读时光，看见生命中嘅光。