LESSON 5-1

市井旺角唔係九龍嘅銅鑼灣，亦唔係兩極化嘅尖沙咀。同係吃喝玩樂購物消費嘅熱點，旺角更能包容不同嘅興趣同文化。一日廿四個鍾，都有唔同嘅顏色，噪音同氣味，人潮流轉其中，各有自己嘅小天地，龍蛇混雜，雅俗並處，多元文化一直濃縮喺旺角呢個彈丸之地，多元文化其實係雅稱，真正源自香港本土嘅次文化就得一個，就係MK文化，MK仔，MK旺角之英語簡寫，MK仔即旺角仔，泛指金毛一族，話人好MK，即係好老土，低俗兼夾古惑。呢啲人都來自草根，教育水準低，從事低淨值服務業。形象來講，披肩髮，粗食物，黑背心。由於旺角係九龍區凌晨過後嘅交通樞紐，小巴通宵行走，造就咗旺角不夜天獨特市井文化。