看见生活中的光 21

欢迎关注我的微信公众号“我要学广东话”

Hello，你今日点啊？

最近我睇咗一部电影，佢嘅名叫《唔好话俾佢听》。

呢部电影系真实嘅故事，嫲嫲得咗绝症，中国嘅家人觉得唔可以将真相讲俾嫲嫲听，而喺美国嘅家人觉得知道真相系嫲嫲嘅人权，喺美国长大嘅女仔翻黎中国照顾，感受到咗中美文化之间嘅差异。

除咗讲文化差异之外，呢部电影仲讲咗在美华人生活嘅唔容易，同埋佢哋喺海外遇到嘅问题。如果你中意了解中美文化差异，咁你一定唔可以错过呢部电影。

下面我会写低我琴日感受到嘅小幸福：

 做运动之后出咗一身汗，好舒服啊；

无意间发现大拇指嘅小月牙变大咗，睇嚟最近身体变好咗喔；

得闲嗰时陪妈妈倾计；

好俾心机画画，可以做自己中意嘅嘢系一件好开心嘅事；

有时候你会觉得生活平淡无奇，可能系因为你冇用心观察生活。如果你愿意用一个积极嘅心态去观察生活，咁你肯定可以发现生活中好多美好嘅嘢。

唔知你琴日过得点呢？欢迎喺留言同我分享，我哋听日再见，拜拜！