死港女 - 006

咁去睇戏啦...睇完戏....佢又急不及待咁去返先达.....其实我一直都谂紧(在想)点解我要买部咁贵既电话比佢...不过谂下谂下...始终佢都係我女友.....佢咁中意要....而且又係第一样送比佢既野....再加上睇见佢而家笑得咁开心既样.....自已又中意佢....算啦...买啦......

去到先达......买部机....试完....比钱....我比张信用卡个老细(老闆)....个老细竟然话信用卡要收多2%(百分之二的手续费).... 即係要比多70几蚊.....我好尴尬咁话我出去禁钱(取钱)先啦.....但部机拆左(包装已拆开).....个老细叫我放低一两佰蚊(块钱)按金(定金)先啦.....

之后我摆低(放下)两佰蚊....同条女(那个女孩/店员)出去禁钱.....返到去比埋条尾数(付馀款)....收埋部机.....之后个老细问我点解唔比EPS(用银行卡付款)呀? 唔洗收多我钱架喎........我真係$(*$&*$^##(*@Q()@(@(@(*#&&($    

买完部机....阿may好似有d唔开心


问阿may.. 买到个电话应该开心先至岩(才对)架....做咩个样好似唔太开心咁既?

头先好彩你无赖低(丢下)我咋...如果你头先dum低(丢下)我一个人係间铺度...我会好惊囉...

下....係间铺头等我几分钟...去禁钱有咩问题? 唔通个老细会食左你(对你不轨)咩?

都係姐(话虽如此)....你都知先达有好多古惑仔(小流垊)架啦....你唔担心我出事架咩?

.............咁我都无赖低你呀....

好心你(拜託你)啦.....下次明知道要买野就带多少少现金啦.....你禁定钱先去买唔得架咩?

我点知佢地收卡要比多2%姐......

咁果几十蚊你咪比佢囉...又唔係无....都唔争在果少少钱啦.....

悭(省)得就悭嘛.....咁无理由无啦啦(无缘无故)比多几十蚊佢赚架.....

今次算啦...下次唔该你带定多少少现金啦....好彩(还好)我d fd唔係度...如果唔係比佢地见到就瘀死(非常丢脸)....

即係点呀?

即係如果你同我出街见我d fd...就带多d钱係身...唔好埋单果时搞到要我尴尬.....ok?

得啦...知道喇......

之后又回复返之前既开心场面......跟住食埋晚饭....送完佢返屋企就过左一日......

果晚返到去, 阿may打电话黎, 话岩岩买果d老翻碟, 裡面全部都係唐老鸭卡通...仲要係黑白果隻   

佢叫我下次去换返....我心谂...人地明昆水(骗钱)架啦...D古惑仔呃左你...仲点会比你换....

之后就当然自已硬食(咬一咬牙认了)啦.....话拎左返去(说拿了回去)退左钱......(不过D碟好似我比钱买架喎)

咁之后果一个月都无咩野, 我返早既话就会去接佢收工, 有阵时都会同同事调下更，星期日放假同阿may去下街, 咁其实佢份人都无咩野, 只不过自从拍拖后, 佢就唔中意去d茶餐厅之类既地方食野, 因为佢中意食日本野, 所以通常都会去食日本野, 当然唔会去元绿(比较平民化的寿司店)果d啦, 有时就会去食下西餐, 每餐都係三几百蚊落楼(买单)啦....

而佢亦无再叫我买d咩野贵野, 剩係买护肤品果时会叫埋我去, 每次都係500蚊到啦....

不过佢有个问题, 就係好容易发脾4(发脾气), 不过我好多时又忍到, 一个愿打, 一个愿捱....日子都仲算过得ok既