听众来信 | 五年了，我做不到不喜欢你

音乐--载着我 谢安琪

嗨宇婷，我今年廿几岁了，依家读紧大学，已经系马上就毕业嘅大四学生了。我有一个好钟意嘅男仔，佢系我高中同学，我中意咗佢五年了，都唔可以咁样讲，应该系我暗恋咗佢五年先啱。

从高中到大学，整整五年。而这五年我都把我对佢嘅感情隐藏嘅好好，佢真系一啲都唔知，一直到两个月前。我们两个其实到上大学嗰阵就已经分开咗，冇再见过面，我啲考咗不同嘅大学，两个城市，我同佢嘅交流仅限于手机qq同埋手机短讯，电话几乎都冇打过几通。我其实都以为我上咗大学就会有其他人走进我嘅心里面，我唔会再中意佢了，可是在大学里面真嘅有人同我表白嗰时候，我先至发现除咗佢，我嘅心冇任何人嘅位置。佢上咗大学之后交了一个女朋友，而我对于佢来讲，只不过系一个同学，一个老朋友而已，都啱嘅，我真系从来都冇同佢讲过我中意佢嚄。佢同佢女朋友谈咗两年几，嗰断时间我真系好难过，冇嘢嘅时候我总系在谂紧系唔系是时候放低佢了，但每一次都做唔到。佢有咗女朋友之后我甚至唔敢同佢讲嘢，只能通过qq空间睇佢发嘅动态，默默点赞，连评论都唔敢发一句。佢发嘅动态有时系关于佢嘅学业，有时系佢嘅游戏，有时系...同佢女朋友嘅相。嗰阵时我真系好羡慕佢女朋友。后来又有人同我表白，我话卑自己听，傻妹嚟嘅，人啲都唔知你中意佢，你坚持乜鬼嗟，人啲依家都有女朋友咁耐囖，而且好sweet添，你醒返喇唔好再谂喇！你都不细嘅了，仲拖咩。然后我终于说服咗自己，尝试着同向我表白嘅男仔在一起了。

七日，只系七日嘅时间，我发现，我真系做唔到同除佢之外嘅男仔在一起，我嗰心始终都诶谂紧佢，我觉得对我身边呢嗰男仔好不公平，虽然佢同我讲佢不介意我心里面有其他人，佢话佢可以等我放低。但系我介意，我真系容忍唔到自己同一个男仔在一起心里面仲挂住其他男仔，我会觉得自己好衰，所以只有七日，我就同嗰个男仔分咗手。

之后我就又恢复咗每日傻傻啲咁睇佢动态嘅日子，睇佢开心我就开心，佢唔开心，我都会难过好耐。呢样嘅日子逐渐变得习以为常。有阵时我就会谂紧就咁样偷偷中意佢一世都好嘅，我好犀利嘅，自己一个人乜都做得，不结婚都冇咩问题嚄，最多咪系孤单啲，养只猫陪住我咪得囖。咁样谂住谂住就五年几了，或许都成咗习惯，我都以为我会一直咁落去，直到今年五月，我突然发现佢将佢空间里面所有关于佢女朋友嘅嘢全部删咗，之后我知道咗佢同佢女朋友分咗手。我好讶异，同埋，我讲不到大话，我真系有啲开心。但系好短暂，因为我突然间谂到，嗰个系佢第一个女朋友，而且佢啲在一起两年几，就咁分咗手一定好伤心。于是两年几嘅时间，我第一次再同佢讲嘢。我知道佢好坚强，佢不需要我嘅安慰，但是在我同佢倾计嗰阵，我能感觉得到，佢仲喜欢佢前女友。睇到佢咁难过，我心里都冇比佢好几分。我几想话俾佢知，我都中意你好耐了，你可不可以转头望吓我？卑少少关注我。但系我最终仲系冇勇气讲出口，都系嘅，讲得出嘅话五年前我都讲咗喇。

于是乎我就谂，好啊，既然你仲中意佢，我又讲唔出我中意你，我帮你追返佢。我加咗佢前女友嘅微信，女仔嘛，都系福尔摩斯嚟嘅，何况我睇咗佢咁耐嘅动态，边个系佢前女友我仲分的出。我觉得女仔之间一定更容易讲嘢嘅，然后我啲居然真系成为咗好朋友。我冇同佢前女友话我中意佢，只系话我系佢朋友，其实佢都冇在意过，因为我发现，佢已经中意咗其他男仔。我冇话卑佢知，我惊佢更加难过。佢啲分开三个多月嗰阵佢同我讲佢放低咗，因为佢发现佢有咗新嘅男朋友。佢同我讲，不管几中意都好，佢都是有尊严嘅，呢段日子佢在前女友身上弄丢咗好多尊严，佢好冇面咁缠住佢，求佢同自己好返，结果，佢居然交咗新嘅男朋友。佢话就咁样了，冇事了，唔会放不低了。

我唔知我当时系点样嘅，我只记得我同佢讲，我都中意你嘅，要唔要考虑一下中意我？佢沉默咗一阵之后，拒绝了我。我听到之后整个人连血都冻塞了，我都唔知我诶讲紧啲乜，佢跟住话，我唔想让你觉得，你系佢嘅替代品。我唔知我应该系咩心情，不过嗰日之后，佢会经常揾我说话，而我都好似变咗嗰人咁，居然每日都在同佢表白，而且一啲都不似以前咁惊，冇几耐，佢真系同我在一起了。嗰段时间，系我咁多年来最开心嘅日子，我终于都同佢在一起了，佢好惜我，至少，我系咁认为嘅。

好景不长，一个多月嘅时间，我同佢就结束咗，佢同我讲，佢觉得我啲仲系不啱做情侣，佢都谂清楚咗点解之前会拒绝我，系因为佢始终只是当我系朋友而已。我对佢来讲，始终都冇卑佢有心动嘅感觉。佢希望我可以揾到更好嘅男人。

我冇讲其他嘢，因为我知我讲咩都冇意义，我始终，都不过系一个廉价嘅替代品，我自己摞嚟嘅，我唔怪任何人。揾到更好嘅男人，呵，点可能揾到嗟，可以嘅话我唔会等咗佢五年，不过五年换一个月，都几好嘅，我心满意足了。我冇死缠烂打咁不肯放过佢，也都冇再似以前咁样整日同佢表白，表白呢样嘢，女仔主动一次就够了，多咗就不酷了。我啲依家仲系朋友，偶尔会倾吓计吹吓水咁，好似呢一个多月咩事都冇发生过，不变嘅系我仲中意紧佢，我不知呢段冇结果嘅感情我仲可以坚持几耐，都唔知之后会点，我只系知道，我就系一个傻仔嚟嘅。好啦，我嘅嘢到宜家就讲完咗，今后会点唔知仲会唔会话卑宇婷姐你听，都不知你会唔会睇我呢啲鬼咁长嘅文字，总之多谢你卑我讲出来，晚安。

投稿人：心照