上学童谣

大清老早，掼只书包。份量蛮重，作业要交。
昨日夜里，老早困交。
节目再好，遥控器上交
为啥大人，比伲逍遥
（蛮好哉，伲小晨光电视机啊没有咯了）
等我长大，抱牢哩困交
七点钟出门，伲最勤劳
公交车浪，牛奶面包
学堂升旗，大家立好
b、p、m、f，全要记牢
三三得八，（究竟多少？）
回答勿出，有点烦恼
课间休息，勿好乱跑
中浪吃饭，胃口蛮好
就是味道，勿及阿婆烧得好
看见老师，真有礼貌。铅笔橡皮，能用就好。
互相攀比，呒不必要。身心健康，顶顶重要。
团结同学，勿作兴打小报告
读书卖力，赛过搭爷娘赚钞票