哪里能找到外星人

    今日嘅话题比较憨局，到底系边度可以稳到外星人？一上黎就先话个答案比你地听，就系系个D和地球好相似嘅行星上面，有可能会稳到距地。姐系有水，温度合适先可以。外星人同我地一样，亦只能够系由   有机物构成。

    可能你会话，哩个答案一D惊喜都无。唔通就无其他可能性乜？比如太阳入面有无可能有生物呢？

    宇宙咁大，斋银河系嘅恒星就有千亿几粒。人类生活嘅地球只系宇宙中嘅一粒尘埃啊，我地地球人视野狭窄，你又点知道，我地熟悉嘅生物形态就系哩个宇宙入面唯一嘅形态呢？个D科幻小说并唔系咁讲嘅喔。

    确实，哩个系一种常见嘅心态。系陌生嘅地方，一定有更神奇嘅野存在。

直到今日仲有人相信，系中国不知名嘅神秘山洞入面，一定有绝世武功高手。系民间嘅大户人家后代手入面，一定仲有严守秘密嘅祖传秘方。

    最近我睇到一本英国科学家写嘅书，叫《地外生命探索之旅》。作者话，我地哩个宇宙，并唔系一个鼓励生命随便发挥想象力、创造力嘅空间。就算到左宇宙尽头嘅行星上，真系发现左外星人，你都会发现，构建生物嘅底层生理机制亦应该系相同嘅。

    这就好奇怪了，你哩个作者讲哩翻说话负唔负责噶？你又未去过宇宙尽头行星，你又知？下面，我就讲下黎本书嘅论证过程：

    首先，你想创造生物，摆系我地面前嘅任务系，用“物资搭建一个复杂结构”。因为无论点样，你起码需要承认生命系复杂结构，哩个系生命嘅共同特性。

    咁我地先睇下，宇宙为我地准备左D乜材料。

    其实亦都无咁神秘，哩D材料都写系我地初中化学学过嘅元素周期表上。人类到目前发现左110多种元素。而大部分元素，地球生命根本未接触过，只挑选左其中24种。点解呢？

    因为系元素周期表入面，序号靠后嘅绝大多数都系金属元素，根本霖都唔洗霖。首先，距地系宇宙嘅存量好少。更加重要嘅系，序号越靠后，哩D元素就越唔稳定，有时候距地嘅存在只会维持零点几纳秒，咁短嘅时间，元素自身难保，又点会形成稳定嘅生命呢？

    而且序号靠前面嘅，仲要排除惰性元素。

    咁减三除五再打翻个七折，最终可以创造生命嘅，只能够得翻四种元素。分别系：碳、氢、氧、氮。而哩四种元素岩岩好就系排除惰性元素之后，宇宙入面含量排名从一到第四名嘅元素。存量多，材料丰富，用哩创造生命，好处非常明显。

    哩四种元素入面，起核心作用嘅系碳。点解系碳呢？因为碳系化学反应入面“可塑性”非常之强。高中我地学过，碳嘅化合价从-4到4，有8种状态。翻译翻人话，就系系合作哩件事上，碳元素摆开嘅姿态就系：我点都得，睇下你地点样方便。所以，氢、氧、氮哩三种元素同碳，都可以发生反应。

    咁用哩个角度去睇，碳元素就变成我地人际关系入面讲嘅“交际花”。每个人都愿意同距发生联系。围绕住碳元素，就可以搭建出一条好长嘅合作链条，各种元素都可以系上面稳到自己嘅位置。

    哩种碳链，就系我地整日讲嘅------有机物。距最大嘅特点系，可以用极少嘅原料，拼接出无比丰富、结构复杂嘅物资。

    听到哩度你可能会问，除左碳之外，其他元素可唔可以扮演“交际花”哩个角色呢？答案系有其他元素，不过唔系几好用。比如话“硅”。但系讲老实话，硅系各方面比碳差得多。作者就话呢，距敢保证，只要哩个世界上有碳，咁就完全无必要用到硅。因为碳实在太好用了。

接住落黎，就必须要提到一种非常重要嘅物资：氨基酸。氨基酸哩个词汇好似好神秘，好多保健品都系度用距吹水。其实距就系一种非常常见嘅有机物。主要成分就系碳、氢、氧、氮哩四种最简单嘅元素。我地人体嘅蛋白质就由20种氨基酸构成。

    咁点解一定系氨基酸呢？因为氨基酸，好可能系哩四种元素形成复杂结构个阵，一种最佳组合方式。

    哩句话点理解呢？

为左便于大家理解，打个通俗嘅比喻：如果我地张碳、氢、氧、氮哩四种元素，比喻成唐僧、孙悟空、猪八戒同沙僧哩四个人。咁唐僧就系碳元素，距系整个组织嘅中心，系用哩连接其他元素嘅；孙悟空系氧元素，比较活跃；猪八戒同沙僧就系相对无咁活泼嘅氢同氮。哩个分工就非常合理了。

宜家我地可以想象一下，如果张距地四个团队重新搭建一次，大概率上距地依然会好似宜家咁分工。哩个组织关系唔系偶然，符合距地各自嘅天然属性。而氨基酸嘅出现，就系哩个道理。一旦集齐碳、氢、氧、氮，氨基酸就会应运而生。

    同时人类系唔同嘅时间同地点，都发现左氨基酸。

    1969年，一粒陨石系澳大利亚从天而降。哩粒陨石睇上去好似烧隆左嘅石头咁，但科学家系入面发现超过100种氨基酸。经过证实后，科学家确定哩D氨基酸系哩自宇宙。讲明，系宇宙某个不知名嘅角落，亦系度好低调咁合成氨基酸。

    2014年，欧洲宇航局嘅“罗塞塔  探测器”成功登陆一粒慧星。慧星上，人类依然探测到氨基酸。所有哩D事实都证明，氨基酸，可能系凑齐碳、氢、氧、氮、之后嘅一个必然结果。距系从简单走向复杂嘅第一步。系我地哩个宇宙搭建生命嘅过程中，不可缺少嘅一个环节。

    好，要想制造生命，得到氨基酸之后，我地再往下追问，点解一定要有水？

    用科学家嘅话哩讲，生命需要一种溶剂。我地黎把生命想象成唔同有机物之间嘅一场巧遇。好似人一样，要巧遇，咁就需要迪斯科、舞会哩D场合，先可以令大家有机会接触到对方。如果唔同嘅氨基酸好似粉末一样散落系地表，距地就接触唔到对方。哩个时间，就需要一种溶剂，可以令哩D氨基酸系一个三维空间漂浮起身，就方便系空间里面互相碰撞，偶然形成更复杂嘅结构。

    H2O水具有好多优点，首先距由氧同氢两种最主流嘅元素组成。其次，水系一种万能溶剂，距可以溶解糖、盐、酸、碱、二氧化碳同氧气。

    同时，水仲有一个好大嘅优点，就系比热容非常高。意思系水要吸收好多热量之后，先可以改变自身嘅温度，就为水入面嘅生命带黎一个缓冲。可以降低外界温度因素嘅影响。咁有无水嘅替代品呢？有系有，好似甲烷、氨、硫酸或者都有可能。但理由一样，距地各方面嘅表现比水差得多。生命无必要舍近求远，既然水够好用了，有乜必要用其他呢？

    我地回头总结一下。要构成生命：碳、氨基酸同水可能真系三条必经之路。而且距地同时需要一个条件：就系0-100摄氏度嘅温度。大部分氨基酸会系90度个阵崩解，水系100度亦都会变成气态。所以，一个有适当温度，有水，有大气层嘅岩石行星最可能存在生命。

    哩条规律系全宇宙都通用。

    诺贝尔化学奖获得者，生物学家乔治’沃（juk1）尔德曾经同距D学生讲过一句话：“后生仔，学好生物化学了，因为距可以帮你通过个D银河系之外嘅生物化学考试。”言下之意就系，全宇宙哩D规律都成立。

    从哩件事入面，我地可以得到一个收获。后生个阵，我地整日对个D死板嘅规律充满怀疑，觉得距地缺乏想象力，我地更愿意相信惊喜。硬系觉得哩个世界上有一D超越规则之外嘅野。

    但随住我地对世界了解嘅加深，我地发现：哩个世界，其实底层规律到处都一样。去到边度都无区别，一切都在规则嘅统领之下。

    迈向成熟嘅过程，就系我地越黎越习惯于忽略个D例外、偶然、奇遇、绝学。而更在意常识、规律、原则、必然。因为后者，先系哩个世界嘅主题啊。

    好了，今日就讲到哩D，下次倾。