慢速粤语听力：千万不要告诉别人你的目标

我最近睇咗一个关于实现目标嘅视频，

呢个视频系关于实现目标嘅。

点样先可以实现目标？

千奇唔好话俾人听你你嘅目标系乜嘢。

因为如果你讲咗俾人哋听，

咁目标实现嘅可能性就会大大降低。

下面我会讲下科学家系点样得出呢个结论嘅，

如果你有兴趣就继续听落去啦。

同人哋讲你嘅目标系唔系觉得好爽啊？

当你大声公布目标嗰时，

你系唔系觉得更加接近你嘅目标？

但系研究表明，

将你嘅目标话俾人哋听，

反而会令呢个目标唔可以实现。

你有咗一个目标之后，

仲需要按计划做嘢先可以实现呢个目标，

实现咗目标之后你先会有满足感。

但系如果你将你嘅目标讲俾其他人听，

而且其他人亦都承认你嘅目标嗰时，

你就会提前享受到一种满足感，

呢种满足感会令你冇咁想努力做嘢，

所以就会导致目标唔可以达成。

1933年嘅时候，科学家就发现，

当你嘅目标俾其他人承认嗰时，

你嘅大脑就会觉得呢个目标已经实现咗。

科学家喺2009年做咗一个实验，

将志愿者分成两组人，

一组人写低自己嘅目标，

并且向所有人宣布佢嘅目标，

另一组人就保守自己嘅目标。

所有人会喺接落黎嘅45分钟努力咁去实现佢哋目标，

佢哋都可以随时听落嚟休息。

实验发现，

嗰啲冇公布自己目标嘅人，

佢哋努力工作咗45分钟，

而且佢哋仲觉得距离自己嘅目标好远。

而嗰啲公布咗自己嘅目标嘅人，

平均工作咗30分钟就放弃咗，

而且佢哋觉得自己离自己嘅目标好近。

咁你就可以睇出嚟，

公布自己嘅目标其实系会降低自己嘅努力程度。

我哋要忍住，唔好将自己嘅目标讲出嚟，

如果你真系忍唔住，

咁你应该用一种唔会令自己得到满足嘅方式讲出嚟。

好似，

我真系好想参加马拉松比赛，

所以我一个星期要跑五次，

如果我做唔到嘅话，

你就踢我嘅PP啦。

如果你中意我嘅文章，欢迎关注微信公众号“我要学广东话”。

【TED】不要公开宣布个人目标

http://open.163.com/newview/movie/free?pid=M77TJ4TC9&mid=M9BTM2LHJ