一地鸡毛的婚姻，应该离还是坚持？

一地鸡毛的婚姻，应该离还是坚持？
你好，Mr  fung。首先系度要多谢你，多谢你之前系个节目支持我。


今次又系我，今次系我第四次写信给你，我一直都想写比你，但是最近屋企发生一些事，所以迟迟忘记左写比你， 唔好意思。


事情是这样，前几日我部手机收到一条催款的信息，而欠款人不是我的，而是我老公。好笑的系原来这个贷款系2020年的时候就贷左。我一直被蒙在鼓里，如果唔系一条催款信息发比我，我都无知。最好笑的系，发生左，你都唔坦白地讲，就讲左两句话，就结束。


我同屋企人讲左这个事，包括距妈妈，距就觉得我系屈距个仔，我就截图发比距睇，距就唔出一句声。
当时我回想一下，当时我出现负债时候，你可以同我讲，你同我讲，唔借裹个网贷的钱出嚟。就算我唔同你讲，原来你一早就借左。
你妈妈都觉得我负债系导致你出轨，你妈妈一直都比面色我睇。


自从负债时候，让我睇清楚人情冷暖，真正爱你的人，系会系你身边陪伴你，支持你，鼓励你。结尾我无知点写，就这样。


回复：呢个friend咧，已经系第四次写信嚟啦，咁喺开始个回复之前咧，我都想补充下前情提要，因为其实好多friend可能对个故事嘅前期事情唔系太过了解，我简单咁样过概括一下，其实呢个friend咧，佢之前系俾一啲猪朋狗友呃佢做咗一啲错误嘅投资，俗称传销，咁佢投咗所有积蓄之后，就去贷咗款，然后还唔起款，就俾人哋追数，追数上嚟咧就变到屋企家嘈屋闭，冇人愿意同佢分担个压力。


再之后咧，就发现佢老公出轨，咁成件事就系咁样，而去到今时今日咧，佢就系发现原来佢老公比佢更加早已经系负紧债贷咗款，所以喺佢贷款出现咗逾期嘅时候，屋企人系全部人都唔理佢，咁到咗佢老公逾期啦，屋企人嘅态度又截然不同，甚至佢奶奶觉得佢老公出轨系因为佢负债俾咗压力佢个仔，所以佢个仔顶唔顺就喺出边去搵人安抚佢嘅情绪，就系咁嘅一件事情。


好似三言两语就可以讲清楚一个人嘅遭遇，但系好多时候简单嘅说话冇办法去描述到当事人嘅感受同埋嗰种嘅困难。作为旁观者，我哋只能够喺件事当中去睇到一啲嘢去反馈出嚟，如果当事人听咗可以释怀，我觉得已经系好好嘅一个效果嚟嘅，我唔谂住个节目可以帮到人哋解决到啲乜嘢，其实我去成立个节目，最大嘅初衷都只想系令大家喺某一件事情上面去释怀，而唔系去解决，好难解决好多嘢。


无论系爱情，婚姻或者工作，兄弟家人，任何关系，当你去到低谷嘅时候，你都一样可以睇清楚好多人同埋事，我唔可以答到你睇得太清楚系一件好事定系坏事，我只能够话俾你听，睇得清系会一定觉得好攰，我觉得生活喺当下呢个社会嘅人系应该具备一种能力，就喺顿感。


你写嘅呢封信啊，其实讲真，你换着任何一个旁观者佢俾到你嘅答案，百分之八九十可能都系劝你不如算啦，咁样喺段关系当中你老公唔撑你，仲要出轨，你奶奶唔理解你，仲要谴责你，咁样嘅家庭咁样嘅婚姻值唔值得你再继续去维系咧，其实你年纪都不外乎系30出头嘅啫，人生仲有好长一段路噶，离婚系咪一个最好嘅选择咧，又或者咁样盲目忍落去系唔系一个好嘅选择咧，其他人系俾唔到答案你嘅。


如果你系想离婚，我谂呢封信嘅内容就唔喺咁描述啦。


好多当局者嘅痛苦喺旁观者睇嚟好似好简单，就譬如话个老板对你差，公司压榨你，你同旁观者讲，旁观者会同你讲：屌，大不了换份工，辞职啦。喂，你老公对你唔好，佢出轨，旁观者同你讲：屌，咁嘅老公忍佢含柒咩，离婚啦！喂个爹哋妈咪唔理解你，唔谅解你，旁观者同你讲：屌，离家出走啦，去第二个城市生活啦，理閪佢咩。啲仔女唔听话好叛逆，旁观者同你讲：屌，细路仔系要教噶，棍棒底下出孝子，要打噶。


喂，好似任何问题喺旁观者眼中都唔成问题，所以我唔系好想做个旁观者，同你讲你应该点做，因为你比我更加清楚问题喺边度，你甚至比我更加清楚你应该点做。


其实我睇嘅嘢系比好多同龄人会更加清，可能我嘅身份，我经历或者我嘅性格系注定咗，我会俾人哋睇得更清。近年嚟我先慢慢学识，乜嘢叫顿感，咩叫做放下自在。
其实好多时候最痛苦嘅唔系嗰件事情发生咗，最痛苦嘅系你一直喺度消耗你自己嘅精神。


近年我哋成日听到一句说话，叫做精神内耗，所谓嘅精神内耗，系咩情况咧，就系言未出，结局已演千百次；身未动，心中已过万重山；行未果，假想灾难愁不展；事已毕，过往仍在脑中演。


用人话嚟讲系咩意思啊，即系好多说话你未讲，嗰个结局你就演练过千百次，即系譬如话我去表白，我未表白我就喺度谂，如果佢拒绝我点啊，如果佢当我傻嘅咁点啊，或者如何这般，你会谂好多嘢，即系你未去讲句说话已经谂好多嘢，就再譬如话我借咗钱俾某个人，佢唔还钱，我觉得佢系有能力还嘅佢唔还，我好想去提佢，但系我未讲句说话，我有谂好多嘢，怕讲咗佢会唔会点样睇我，佢唔会如何这般，你会好痛苦，呢个叫做言未出，结局已演千百遍。 


咩叫身未动，心中已过万重山，其实系一鸠样嘅意思，行未果啊，咩叫行未果，即系你去做咗某件事情，未出结果，你就开始谂，个效果点样。就好似我前一排租车，我系超咗速嘅喺某个村道定系乡道超咗速，我嗰个导航提咗我超速嘅，佢嗰个限速系40，我系揸到58过咗嘅，基本上如果系按我以前性格，咁嗰件事系影响到我成个行程嘅。


但系我好快咧，就放下咗啦，因为我租两日车，嗰阵时系第一日嘅下午我就发生咗件事情，如果我都系要扣分系要咩嘅，我下面嘅嗰一日半我系玩得唔开心，所以我当下就觉得，喂，如果佢真系要扣嘅咁佢扣硬噶啦，咁，如果佢冇扣，咁我呢啲担心，呢啲负面嘅情绪，影响到我下面嗰一日嘅活动，何苦咧，咁我就放低咗件事啦。


即系譬如话，某一日我喺个公司群度，讲一句粗口，或者我发咗一个咸片，我本身系同啲猪朋狗友一齐倾嘅嘢，我发咗喺个公司群，我撤回咗，可能我又撤唔回，但系件事情我又觉得好丢架，我成日喺度谂，人哋点睇我，其实都系一鸠样，属于精神内耗，系会害死你嘅。


所以我有一期节目讲过二分法，影响到我好大，我唔知你哋听个节目系咪真系可以改善你嘅人生，改善你嘅心态，喂好多嘢系我真心经历过，系真系work嘅，我先会分享出嚟，二分法真系好好用，我觉得发生所有嘅嘢我控制唔到，我会欣然接受。我可以控制到嘅嘢，我会尽力去做到我想要嘅结果，呢个就系二分法，系周总理提出嚟嘅观点嚟噶，系好撚劲噶。


我上个星期睇个新闻，有对夫妻做翡翠生意俾人呃咗千鸠几万，当住佢十岁个仔面前跳楼，两个人一齐跳死咗，我当时睇咗之后咧，我系颇有感触噶，喂，阿基曾经都借过好多高利贷，佢其实最大嘅问题就唔想屋企人知，但如果佢屋企人知道咗之后咧，佢就完全冇事噶啦。


佢甚至亦都俾人哋录过裸聊嘅视频，佢亦都冇问题，即系你会发现咧，好多嘢如果你放过自己，你系真系冇问题噶。


上个星期我哋部门聚餐饮大咗两杯，有啲人就开始喺度发牢骚，互相之间系咁样发牢骚，其中咧，某些管理层就出现咗严重嘅分裂，喂，如果系换着一个普通人，你听到啲说话你可能会好难受，佢会唔会点样睇我，点样对我？应该站对去边度？


但系我系完全唔当一回事，总监当住我面同我讲，我系外人，佢饮大咗系拉住另一班管理层，我喺度行过去厕所，佢喺条走廊度，佢话，唔好讲嘢，有外人嚟咁样讲，换着你，你会点样做啊？其实我系觉得冇事嘅，因为企喺我角度，我净系睇一样嘢啫，就系我玩完对你有咩着数先，喂，公司而家系好缺人才嘅，而且我系做得最top嗰个。


我做玩完咗，你一定会受牵连嘅，因为我嘅收入系影响到你嘅收入嘅，所以我觉得佢唔会真系喐我啊，你唔当我系自己人，你唔会升我，冇所谓，我觉得呢度已经系冇咩得升嘅，所以我睇得好开，但系有啲人咧，就会成日捉住件事情，因为唔单止系针对我，系针对我哋成个新嘅区啲经理。


其他好多人系放唔低噶嘛，咁我觉得冇问题嘅，甚至我见到面，而家开始又唔打招呼啊，又如何这般我，冇所谓噶喎，同你打招呼，我啲工资高啲嘅咩？唔会系嘛，咁所以who care？


系啊，真系唔系讲笑，我知道我而家同你讲啲乜嘢都系冇乜用嘅，但前提我只系话俾你听，你自己要学识去处理啲情绪嘅问题，如果你继续段婚姻，有啲嘢，你放得低咪放低咯，其实爱唔爱重唔重要咧，我觉得冇乜重要嘅，如果你可以handle到你自己嘅生活，你嘅日常你嘅朋友圈你嘅工作，你所有嘅嘢，同埋你同你细路仔嘅关系，咁咪由佢咯。


你有真系咁爱你老公咩，或者咁需要你家婆咩，可能你亦都唔需要，其实好多嘢唔系咁重要嘅，系我哋睇得重要噶咋。


我亦都知道，只要个后果唔系我哋嚟承担嘅，我哋系可以好豁达，可以劝任何人做任何重大决定，好似好简单，因为只要我哋唔需要负责，我哋可以好简单，所以你唔需要听我嘅意见去过你嘅人生，你只需要问你自己想要啲乜嘢，呢个好重要啊，因为我哋嘅生活系一定唔可能美好嘅，生活一定难免会有好多磨难嘅。


某个伟人讲过：睇清楚生活嘅不堪，但依然仲要热爱生活，呢个就系我现在嘅态度，顿感一啲啦，有时候唔放过我哋嘅都系自己，唔系其他人，呢副皮囊承载嘅所有嘅身份同角色，只不过系你借嚟体验人生嘅啫，冇咁重要噶好嘛，就咁，拜。