死港女 - 003

之后傻的吗咁跟佢地行左个几钟（一个多小时）, 当然褛就买唔到啦, 咁果时都大约20:40到, 谂住去打边炉（吃火锅）, 去到酒楼见到个牌写住21:00后每位平成30几蚊, 咁我就话9点后平好多喎, 不如我地而家去买左飞先过黎食啦,....

点知件扒就话而家好肚饿, 争果（相差那麽）几十蚊位你唔係比（支付）唔起呀? 等阵（等一会儿）睇11点几, 你慌（怕）无飞买咩?
点知阿may又话好肚饿, 话而家想食, 话如果我想买飞先, 就自已去买啦, 佢地食住等我....

咁我自已都肚饿, 你地食住（吃着）等我, 我咪又係（不也是）比9点前既钱...最后又屈服左....入去食....

食完, 去戏院买飞...果时11点到啦....好衰唔衰（真是倒霉）...

去到戏院买飞, 真係无4连位, 得返三人连, 或者两个两连位

我当时心谂....Hi 你正呀喂 （哇！捡到便宜了！）....呢次仲唔係（还不是）我同阿may坐  

点知件扒: 都叫左你头先（刚才）食饭前去买飞架啦...而家点呀?

我: 咁买两个两连位囉...点知件扒又讲: 我唔理呀, 我地要3个人坐架, 我要保护阿may, 废事（以免）你乘机（借机）多手多脚（毛手毛脚）...

我望住件扒....果时真係好想Hi爆佢....但我无做到...

阿may: 佢地真係要同我坐架, 不如买同一行4张飞啦, 到时叫人调（换）下位咪得（就可以）囉,

我: 咁如果人地唔肯调呢?

阿may: 咁你咪自已坐囉, 睇戏之嘛, 自已坐都无咩所谓啦..........

果时我真係想爆seed（情绪爆发）...不过最后我选择左死狗...照买飞.....

入到戏院...好彩（很幸运）人地肯同我调位.....但呢场戏我睇得好唔开心....我个心一直谂紧我应唔应该放弃好...
我果时心谂.....Hi...都係放弃把啦...咁落去唔係办法架喎...阿may佢根本都唔係当我係男友既, 莫讲话男友, 直头当我兵（观音娘娘众多裙下之臣之一）都不如,

不过如果而家放弃既话, 点（如何）同班fd（朋友）交代先? 我自已平日係佢地面前吹（吹牛）到已经沟到（追求成功）, 又拖埋（已拉过手）, 又嘴埋（已接过吻）, 班死仔又问阿may个胸弹唔弹手 (果时佢应该有C-D cup) 我又吹到话好弹, 如果而家放弃, 等阵阿may讲返出黎话根本无同我拍过拖咪瘀死（很挫）?

点算（怎麽办）?点算? 唔係喇....真係要搵个机会问下佢想点先喇.......

睇完戏....好彩果两件扒唔顺路...我又同阿may顺路, 今晚咁夜, 佢肯比我送佢返去,

件扒临走前, 仲大大声同阿may讲: 等阵有咩事就即刻打比佢呀, 佢会即刻黎救佢   

係车上面....我唔出声...但块面就摆到明唔开心咁样....我谂住阿may会"乙水”（哄）下我架喇, 点知佢剩係问完我一句: 你唔开心呀?? 我答:无野.....

之后佢就唔讲野, 之后块面仲黑过我, 好似嬲左我咁样.....全程车, 直到送到佢返到楼下, 大家都无出声....

送完佢返去之后我无打电话比佢....佢都无打比我...我都谂住算架喇...点知隔左两日...佢又打返比我....