《小王子》22：它就像礼物 对心灵是有益的

嗰啲人坐喺特快列车上面，但系又唔知道自己到底揾紧乜嘢。所以佢哋好烦，不停咁兜圈。

佢补充话，其实唔使咁麻烦㗎。

我哋揾到嘅水井，同沙哈拉沙漠嘅唔同，沙哈拉嘅水井只系喺沙地上面挖一个窿，呢个井睇起身好似系一条村入面嘅井，但系呢度冇村，我谂，我肯定系发紧梦。

真系好奇怪啊。呢度竟然有齐滑轮，水桶同绳。佢笑咗起身，跟住揸住条绳去拉滑轮，滑轮吱吱吱咁响起身，好似一个训咗好耐嘅古老风向标，俾风吹醒咗咁样。

你听吓，我哋叫醒咗水井，佢宜家唱紧歌。

我唔想佢太攰，等我嚟啦。佢对你嚟讲，太重啦。

我慢慢咁讲水桶拉到井口，我好小心咁放好个水桶，滑轮嘅歌声仲回荡喺我嘅耳边，我可以睇到喺水面荡漾嘅阳光。

我好想饮呢啲水啊，俾啲我饮吓啦。

呢个时候我先明白佢一直揾紧嘅系乜嘢。

我将个水桶抬到佢嘅嘴隔离。佢咪埋眼饮水，呢啲水好似节日咁甘甜。呢滴水确实唔系普通嘅饮料。佢来自于星空下嘅跋涉，滑轮嘅歌声，同我双手嘅力量。佢就好似礼物咁样，对心灵系有益嘅。我细个嗰时，系圣诞树嘅灯光，子夜弥撒嘅音乐，同埋嗰啲温馨嘅笑脸，令我收到嘅礼物充满咗光辉。

你呢度嘅人，会喺花园种五千棵玫瑰，但系佢哋喺入面反而揾唔到自己想要嘅嘢。

佢哋根本就冇去揾。

不过其实佢哋要揾嘅嘢，或者就埋藏喺一朵玫瑰或者一啲清水入面。

喺啊。

但系，眼系睇唔到㗎，应该要用个心去揾。

我饮咗啲水，我嘅呼吸变得顺畅好多。太阳出咗嚟，沙漠变成咗蜂蜜嘅颜色，我都好中意呢种金黄嘅蜂蜜色，不过，点解我会觉得咁难过嘅？

你一定要遵守你嘅承诺。

小王子话，佢又坐喺我嘅隔离。

啊？乜嘢承诺啊？

你知道㗎。帮我只绵羊画一个嘴套。我要为我嘅花负责。

我从衫袋入面将之前画嘅嗰啲画罗出嚟，小王子睇咗之后，哈哈大笑咁讲。

你嘅猴面包树画到好似卷心菜咁样。

啊？

我原本仲以为自己嘅猴面包树画得好好呢。

你嘅狐狸嘅耳仔睇上去好似羊角咁样，而且画得太长啦。

小朋友，你咁样唔公平啊，除咗肚皮合埋同肚皮张开嘅蟒蛇，我乜嘢都冇画过。

哦，画得还唔错啦，细路仔睇得明嘅啦。

于是，我用铅笔画咗一个嘴套。但系当我递俾佢嗰时，我嘅心情好沉重。

你，你到底有乜嘢事瞒住我啊。

但系佢冇回答我。

你知唔知啊，我降落到地球，到听日就啱啱好够一年啦。

佢沉默咗一阵。跟住又话。

我当时就降落喺呢个地方附近。

佢块面红咗。唔知点解，我又觉得有啲唔妥。不过，我忽然谂起一个问题。

睇嚟，我撞到你嘅嗰个朝早，就系一个星期之前，你行喺呢个远离人烟嘅沙漠入面，都唔系偶然嘅啦。你要翻去你降落嘅地方。

小王子块面又红咗，我犹豫咁问。

呃，系唔系因为一周年到咗啦？

小王子块面又红咗。佢总系唔回答问题，但系面红嘅意思咪就系冇错咯？

哈？我有啲惊。

你应该要去做嘢啦。你应该翻去你部机器嗰度。我就喺呢度等，你听日傍晚再嚟啦。

但系我好担心，我谂起咗狐狸，如果等自己俾人训化嘅话，就难免会喊。