死港女 - 015
 280

死港女 - 015

倍速播放下载收听

00:00
07:51

咁佢又好快咁样请到大假, 搵到团, 我又调下更, 就到去韩国5日

呢5日玩得好开心, 佢买左好多野, 衫呀, 化妆护肤品呀, 手信呀, 导游d昆人(骗人)既产品, 买左好多, 未计团费, 同带去既现金, 剩碌卡(刷卡)都碌左我3万...总数洗左我5万几.....果时唔知点解都觉得值得

果时剩低大约10万係户口....唔知阿may係唔係觉得我d钱好易赚, 就算洗晒(花光了)都会有屋企支持....所以洗钱就开始大花筒(亳不节制的花钱)...有时见佢到十几号就话无钱用...开头我每次都会比1000蚊比佢, 但过唔够三日又话用晒, 发展到由以前出街唔会去买佢既衫, 到每次都会买返一两件...我比钱.....三,四个月过后....我户口已经剩返4位数字..........

由个户口由6位数变成4位数既时候, 我开始有d担心喇, 因为唔知点解个心好惊...点惊法又讲唔出,

果时已经发展到阿may买咩, 做咩都会问我拎钱, 咁岩(碰巧)有次佢行街见到有人用个白色底既LV袋...佢叫我买...
我唔肯......我话我唔够钱.....佢就发我脾气...之后又闹交....我话佢唔睇谅我...佢话我唔锡佢....我又话佢成日都要同人地比....咁比法...我真係负担唔起.....大家冷战左成两个星期....最后当然係我投降.....

第一次收到月结单而唔够钱找数.....

死死气咁问家姐借钱....讲左个大话话阿明屋企有事....家姐又借左5万比我

同阿may讲左已经同家姐讲大话借钱, 佢又无咩反应喎..........剩係讲句话你家姐搵咁多...唔怕啦...下个月你都毕业啦...到时有两万几人工...咪慢慢还返比佢囉....


算喇....睇黎大家都唔想再睇落去阿may之后点样...咁我就总结最后既结果啦

到最后原来先知佢之前一直有一个男朋友....不过就经常同佢离离合合, 开头比我追, 只不过当我係兵(备胎), 中间因为同个bf(男友)又分开, 所以就同左我一齐, 开头真係想同我拍下拖, 所以先会带我返屋企, 但原来佢只前个男朋友都上过去, 而佢男朋友係有钱仔, 屋企自已做生意, 屋企d袋(包包)都係佢送既, 并唔係佢家姐既, 佢阿妈对我印像唔错, 但始终都觉得之前个男朋友好d,

当我d钱用晒后, 仲争落(欠下)几皮野(几万块)卡数(卡债), 咁岩佢个ex(前男友)又搵返佢. 佢又同返个ex一齐, 最后比我知道, 佢选择左同我分手, 分手既理由係话我唔上进, 佢觉得同我一齐未必有将来.......
同阿may分左手, 我剩係(只是)同f fd讲话性格唔係咁岩, 无讲阿may既野, d fd亦唔知我搞到无晒钱同埋成身卡数, 果时我唔想分左手后就唱佢(讲她坏话), 话晒始终都係一齐过, 而且大家都有共同既朋友, 将来实有机会见面, 如果唱佢, 咁只会搞到大家面左左(见面十分尴尬)...

人又无...钱又无....果时我毕左业已经无得长期住宿舍, 搬左返屋企...日日放工就返屋企.....无钱...连d fd叫我出街都唔敢出, 因为要还卡数......突然间变得好宅....

屋企人知道我甩左拖(分了手).....但唔知我有卡数係身...开头都无咩野...

直到有日屋企部牛龟电视(那些笨重的老电视)坏左....家姐就话不如我地两个夹钱(合资)买部电视啦, 阿妈对眼唔係咁好, 我地买部42寸既plasma(这是第一代又大又薄的电视)比阿妈佢享受下啦...家姐同我去睇电视...睇中左一部电视要2万几....咁岩果时丰泽做紧hsbc优惠....而我又有呢张信用卡....其实应该话我得呢一张信用卡....好衰唔衰....我个额得4万几...果时我仲争紧三万蚊卡数.....唔够额.......

可能我蠢啦....或者家姐太知我表情....佢好直接问我係唔係唔够额签....我话係...之后家姐比左钱....

果日家姐问我发生左咩野事....我讲左比佢知....佢好语重深长咁样叫我以后唔好咁傻喇....卡数佢帮我找..但唔好比阿爸阿妈知...废事(以免)要佢地担心....

之后家姐见我日日係屋企.....佢生日果日叫埋我出去一齐玩....话介绍个好女仔比我识.....

果晚就识到我而家既老婆...呢度就叫佢做june喇, 佢本来就係我家姐间医院裡面做护士....外表虽然唔係好靓...但份人好好...

好识谂....好顾家...又唔大洗...好有计划...又好识得投资

咁我地普通约会左两个月...就开始拍拖.....

之后sars(沙士。说起来那年香港爆发沙士,在那年买了房子的人,现在都变了千万富翁了!)....楼价跌到hi hi...当时好多同事都经历过sars唔敢返屋企既经历....就好多人开始买楼上车(上车=首次置业).....

我同阿june都打算买, 不过佢话不如分开一人买一间啦, 因为我地既职业, 买楼係有利息津贴既, 如果两个人—齐买一个单位, 会浪费左....

大家计过, 同屋企人商量过, 都同意, 于是乎阿june就用佢个名买左毕架山一号一个1100尺(一平米大概十尺)既单位, 果时记得佢买楼花, 大约5000蚊一尺到, 佢就碌卡(刷卡)比半成首期, 之后二按2成半就免息免供两年, 7成就按比银行, 然后搵佢阿哥担保佢上会(上会=申请按揭贷款), 每个月供两万几, 扣返(扣除)医管局既利息津贴就一个月供大约2万到(左右)啦, 二按就两年后一次过比晒(佢屋企同佢加埋够晒钱) 其实层楼係佢同佢阿哥夹份...不过只用佢个名咁解...

而我就拣左一栋全新既楼, 因为见佢有比较细既间位...800几尺...都係卖紧4千几蚊尺, 我比钱既方法同阿june一样, 每个月供万鬆d(一万多)蚊, 呢间屋我地买黎同居,

评论

    还没有评论,快来发表第一个评论!

打开喜马拉雅,发表评论