死港女 - 013

之后阿may唔小心比人偷左个电话, 又叫我买过部比佢, 我就乘机(趁机)讲笑咁话唔买,学佢话等感情稳定d先啦

其实我只係想佢带我返屋企见下父母...开头佢都唔太愿意...到最后我话我仲有几个月就毕业.....加上电话既威 胁....佢终于答应左我.....

上去佢屋企前....阿妈仲紧张过我....佢比左一包佢自已过时过节先捨得煲既大花胶(越大的花胶越贵的)我, 仲买左罐罐头饱鱼(罐头鲍鱼也是好东西！)比我, 又千叮万嘱我唔好买几隻生果上左就算, 要买个生果篮呀....佢话第一次去女仔屋企要好好睇睇先得架, 礼多人不怪喎....

见到阿may...佢话我买咁多野好跨张...我话我家姐男朋友第一次上我屋企都係买咁多野....佢叫我等阵(待会儿)上到去...千奇(千万)唔好讲到我屋企环境咁差呀.....

我心谂....我屋企又唔係拎综援 (救济金。除非是真的老弱病残，香港人极度歧视拿综援的人)...又唔係要问人借钱....边度(哪裡)差呀?
上到去, 叫左世伯, 伯友(伯母，「母」跟「无」同音，「无」不吉利，所以改成「有」，「有」跟「友」同音，最后伯母就演变成伯友)同埋佢家姐之后, 就坐係度望下, 我本身屋企住d Y型公屋 (公屋比较新的一款), 4佰尺鬆d(四十平米多一点)都可以间到(分隔出)两间房, 厅房分明...但阿may屋企就住D井字型既公屋(公屋比较老的一款), 长方型, 用两块板就 係咁易(随随便便) 间左两间所谓既房, 基本上就放完床就无位可以放其他野.....

咁佢阿妈係煮紧送(做饭). 佢老豆当时紧马...问完我. 我话唔之后. 自已就入左房听收音机继续马.

佢家姐就係房裡面煲电话粥(讲电话，一般指讲的比较长时间的)....咁阿may就同我睇下电视...佢家姐出黎...佢又带我入房睇下....裡面真係好细...
但我眼前竟然见到有成5-6个袋....都係d L, P, G开头既名牌袋....当中有一个係我送既....但我见有一个大过我送既成倍既LV係度...问佢何来咁多袋....佢话係佢家姐既.......ok...我当时无怀疑过佢......


开饭喇, 叫完大家食饭, 佢阿妈就几开心咁同我讲 D花胶几靓喎, 下次上黎唔好洗咁多钱呀

我阿妈帮我买架, 我都唔知几钱架

罐饱鱼都係呀?

係呀, 不过生果篮就阿may同我一齐拣既, 佢话伯友(其实叫伯母也行啦，叫伯友就有点亲切又有点俗的感觉)你中意食士多啤梨...所以买多少少..希望你中意食啦..

中意...肯定中意啦...不过下次唔洗咁客气喇...唔洗买野上黎喇...我地屋企好随便架...

要既....

听阿may讲你做护士架喎...返工辛唔辛苦呀?

係呀....都习惯晒...唔太辛苦

而家护士人工高唔高呀?

万几蚊....

咁少?我听人讲最少都搵两三万架喎...

係呀...不过我仲实习紧....所以比较低d, 不过过多几个月我就毕业...到时人工会高返好多架喇

哦....你阿爸阿妈做咩架?

阿爸渣(开)的士, 阿妈而家无做野,

而家无做?

係呀, 近两年阿妈身体唔係咁好, 所以无做喇

咁你阿妈之前做咩架?

街市(巿场)帮人卖菜...

去到呢度....阿may用隻脚轻轻咁踢左我一下..............