死港女 - 012

失败乃成功之母，最后，我地既感情增进左唔少。

但係，各种细节，令我怀疑，阿MAY之前已经付出过深厚既感情。

不过怀疑归怀疑....我最后选择左信佢..........但过左一段时期....我知道原来我当日既怀疑係岩既(是对的).......

第二日退左房就车(开车送)阿may走, 顺手送埋条tiffany比佢啦, 佢一如以往既反应, 好开心, 又锡我一啖, 途中佢问我有无谂过买车? 我话养车好贵, 佢又话买左架车既话, 以后出街都会好方便, 接佢放工都唔洗係条街度企之类既野, 不过我知道佢只不过想威下咁解姐(想出出风头而已), 所以无将佢讲既野放係心裡面.....

咁事后就当然会同阿明班Hi Hi分享下架啦, 我当然无讲我的瘀野(挫事)，淨係讲威水史啦。

点知隔左两日, 阿明打电话比我....佢同我讲话阿may可能唔係细路女(小女孩)黎架喎, 因为阿Ann无意中踢爆(拆穿)过佢之前有过三条仔(三个男朋友), 而应该係几年前, 即係16岁已经唔再係细路女.....

阿明话佢同阿Ann讲左我同阿may去左屯门黄金海岸, 而阿Ann讲左句..."第一次係长州渡假屋...而家升呢去到黄金海岸酒店..哈哈" ....

听完之后...个心好唔舒服.....其实我并唔係有咩(什麽)情意结, 而係我一直咁相信佢...点解佢要呃(骗)我喎??
自已读书既时候因为唔叻(聪明), 就用左好多时间去读书, 自已连玩都无点玩过.....辛辛苦苦咁出黎做野(出社会做事), 赚到钱, 沟条女, 用左咁多心机, 时间, 金钱去追个女仔....到头来原来条女早几年已经比d死MK用一支烟, 一晚K(K歌), 同埋几杯酒就”乙水”(哄)到....点解我要执呢D(这些) Hi Hi (坑爹)二滩呀 (执二滩＝穿别人旧鞋)

不过谂谂下...自已又帮阿may搵返d籍口...佢都唔想呃我既....不过知我係细路仔.....唔想我伤心先呃我姐....

算啦....算啦.....唔好谂....唔好提喇...废事(以免)搞到大家唔开心啦.....