死港女 - 005

接左阿may, 第一次单独同佢去街, 真係好鬼死开心, 跟手(接着)一齐塔巴士出旺角

係架车上面, 同之前送佢返屋企果阵(那时候)好唔同, 我地坐得好埋(很贴近对方), 佢又久唔久(每隔不久)望住我笑,

之后佢係架车度训着左(睡着了), 仲埃住(靠着)我训, 我当时即刻有反应, 差d失礼街坊(出丑)

我仲好狗公咁趁佢训着果时, 扮晒(装作)好体贴咁样捉住佢对手, 到最后佢醒果阵...我又好无胆咁样缩返开对手..

点知(怎料)佢:  咩呀? 拖左我对手, 抽完水(吃完豆腐)就想唔认数(不承认)呀?

我怕你话(指责)我死色狼嘛...

咁男朋友拖女朋友都算色狼既话, 我唔比你拖架喇..

唔算..唔算....(即时捉返佢对手) yeah    

之前连同佢单独去街都好似登天咁难.....估唔到突然间可以进展得咁快...世事真係难料

旺角落左车....我地首先去食个lunch先....第一次有女仔以女朋友身分夹野比自已食, 佢又用自已食过既快子夹野埋去我个口度比我食....呢种感觉....真係到死果刻都会记得....

食完饭.....问佢去睇下戏好唔好...佢话不如行一阵先.....之后带我行左去..........先达(旺角的一个商场)

好喇, 去到先达, 当年都唔係全部铺头(店铺)卖手机架, 二楼都有衫(衣服), 或者d老番(盗版光盘)卖下,

我同阿may就首先上左3楼, 佢睇下衫, 又帮我睇下衫, 佢话要执下(修饰)我个look(型像)喎, 等以后同我出街都有面d,

我个人就觉得果d衫都ok, 价钱又唔贵, 百几蚊就有交易, 咁买左两件衫, 佢反而无买到野....

之后又买左几隻老翻碟, 记得好似係100蚊有成5-6隻, 佢话等佢睇完就比我睇, 但佢买果d碟都好似係我同佢睇过晒, 或者即将睇既戏....   

我话: d戏我地都睇过晒既, 仲(还)买黎(来)做咩(干嘛)呀?

: 咁我可以买返去比我屋企人睇架, 咁鬼死平(那麽便宜), 唔买就蚀底(亏)喇...

ok...比你买....

买完碟....落去一楼, 跟住同佢睇下手机, 佢好似对SE(Sony Ericsson 新力爱立信)果d(那些)新款音乐手机好有兴趣咁样, 係几间个厨窗度企左好耐, 又话呢部机好鬼死靓之类既说话....

之后佢忍唔住:  不如我地一齐用呢部情侣机啦.....

下....三千几蚊一部喎, 二部咪(岂不是)要7千几蚊?

咁靓野就自然贵架啦..有左佢, 返工搭车都可以听下歌, 唔洗(不用)咁闷...

我都唔追(不追求)呢d野(这些东西)既, 而且我住宿舍, 返工(上班)行3分钟就到啦...都唔洗搭车....

咁我要搭车嘛, 我日日都要搭成个钟头车, 真係好闷囉.....

咁你有需要既咪买囉,

嗯...多谢...你对我真係好架姐....我都话无拣错你架啦....

下!!!!!!!!!! (啥？？？) 唔係你自已比钱买架咩? 点解要我送呀?

咁你係我男朋友喎....当然係你买啦.....你唔係话过会对我好...锡(疼)我架咩(的麽)?

係....不过三千几蚊真係好贵喎......

咁你而家係唔係唔想买呀? 人地阿边个边个(谁谁谁)(我唔识既人) 佢男朋友岩岩(刚刚)拍拖都又送錶, 又送袋(包包)比佢啦....你而家买部手机比我之嘛(而已)....咁都唔得....仲等我谂住买份圣诞礼物比你.....估唔到你係咁既........

等我谂下啦好唔好? 睇完戏先啦....ok?

(笑返).... ok...咁等阵睇完戏先过黎啦....