姚慕双 周柏春-差距（版本一）

甲：啊。

乙：啥体？

甲：每当夜幕降临，明月高挂，星斗满天。

乙：哦，夜里向。

甲：我坐辣灯前凝神深思，我静静叫想啊，想啊，想啊。

乙：侬了想啥？

甲：我了想些为中国革命事业而牺牲的无产阶级忠诚战士，优秀共产党员，我想到李大钊 ，我想到赵一曼 ，我想到刘胡兰 ，我想到董存瑞 ，我想到黄继光 。

乙：了不起。

甲：我另外还想到一个人。

乙：啥人啊？

甲：姚慕双。

乙：啊，咦，侬想着我啊。

甲：对个。

乙：谢谢侬勿要开玩笑好�？

甲：勿要忒谦虚。

乙：勿是谦虚，我哪能脱李大钊，董存瑞，黄继光迭些优秀共产党员同日而语呢？

甲：过分谦虚就是骄傲。

乙：我辣辣伊拉身浪有啥好值得骄傲呢？

甲：侬脱伊拉有的共同点个。

乙：没共同之处，毫无共同之处。

甲：有个，有个。伊拉是普普通通个人，侬也是普普通通个人，你还是人吗？

乙：我……

甲：勿是人侬好申明个。

乙：勿勿勿，我是人，对对有的共同点。

甲：既然有的共同之处，侬为啥勿成为优秀共产党员？

乙：因为……因为我勿是一个共产党员，再讲伊拉讲我不大优秀。

甲：啥人讲个？现在做人要事实求是，勿好乱讲。

乙：我……我自己讲的。

甲：老老实实，争取坦白从宽。啥个道理侬勿能成为优秀党员。

乙：因为我勿是一个共产党员。

甲：侬啥体勿争取入党呢？

乙：因为我条件差，勿够。

甲：条件差，侬应该创造条件了。

乙：争取入党创造条件这个交关吃力了。

甲：吃力。

乙：邪气吃力。

甲：啥体要怕吃力呢？

乙：因为我块头大不过了，一百六十几斤，走路也走不动。

甲：到好出口了，迭个勿管一百六十几斤个。

乙：啥个道理呢？

甲：我告诉侬，因为思想当中有的差距。

乙：对对对，我是脱伊拉有差距，有差距。

甲：差距来了啥地方？

乙：勿晓得。

甲：勿晓得勿要乱讲。

乙：所以讲迭个就是有差距，有差距。

甲：告诉侬，迭个些优秀党员对党个事业有着坚定的个信念，伊拉为了International早日辣辣中国实现是抛头颅洒热血，英雄牺牲。

乙：对。

甲：迎来了马列主义革命真理，迎来了蓬勃朝气新中国。

乙：对。

甲：搿么，我问侬，要是侬死之后，侬迎来啥个物事，老老实实。

乙：假使我死之后，我迎来了迎来了一只骨灰箱，那侬总满意了吧，那侬开心了吧。

甲：过分谦虚就是骄傲，老老实实我迭个意思就是侬理解错了，就是我伲死之后有啥个宝贵物事留畀后代。

乙：有个，我个宝贵物事传畀后代个。

甲：啥个物事？

乙：一只四喇叭，我迭四喇叭蛮宝贵个，收录两用个，声音哈嗲，蹦跶啦哒蹦跶啦哒蹦跶啦哒蹦跶啦哒。

甲：好了，侬已经骨头蛮轻了，迭个哪能好加了迭个里向呢。

乙：所以讲我脱伊拉有差距，有差距。

甲：啊。

乙：哪能又来了。

甲：每当星夜醒来，万籁俱静，夜澜人静。

乙：只见大小百家完全辣辣床浪。

甲：喂喂喂，搞头斯介结棍，搞到《刘志远敲更》 浪去了。

乙：喂，勿是，侬了讲夜澜人静。

甲：我来作诗啊。

乙：侬迭个夜澜人静啥个意思？

甲：夜澜人静，只见大小百家。

乙：侬哪能还来了？

甲：万籁俱静，夜澜人静，我是百感交集，思绪万千，我凝神深思，我想啊，想啊。

乙：又来想啊，想点啥。

甲：我想到革命前辈，我想到贺龙 ，我想到徐特立 ，我想到华罗庚 ，我另外还想到一个人。

乙：啥人？

甲：姚慕双。

乙：侬哪能又想到我了，谢谢侬，侬勿要想到我好�？

甲：有人想想总归捂心啊。

乙：尤其是侬，迭个东西推扳勿起的，侬勿要想到我，侬想到我要汗毛泠泠个。

甲：啥体要汗毛泠泠。

乙：因为我有的差距，有差距。

甲：因为我认为侬有共同之处。

乙：毫无共同之处，哦，大家侪是普普通通的人，侪是中国人。

甲：既然大家都是普普普通个人，全是中国人，侬为啥勿成为革命前辈。

乙：因为我思想浪向与伊拉……

甲：有差距。我伲亲爱个党辣辣紧要关头，辣辣关键时刻，往往有些人动摇，有些人甚至变节。可是迭些尊敬个革命前辈，为了挽救中国危亡，维护革命真理，要求加入中国共产党。

乙：了不起。

甲：革命到底永不回头。

乙：对。

甲：可是侬呢，侬碰到党辣辣革命进程中有些曲折，对共产主义怀疑，样样勿感兴趣，样样勿加入，一日到夜想到蹦跶啦哒蹦跶。

乙：谢谢侬勿讲迭闲话。

甲：一日到夜有差距，有差距。

乙：这因为这样子，我脱伊拉有差距。

甲：我就是讲，侬思想，我老实讲，侬迭个人，我晓得侬个。

乙：啥体了？

甲：侬是表表准准个十三点。

乙：现在五讲四美，侬勿要出口伤人，侬讲出来，我啥地方十三点。

甲：我问侬，侬思想想房子住了大一点。

乙：侬哪能晓得了，这一点是有个。

甲：房间家什新式点。

乙：这两点也有个。

甲：彩色电视机清爽点，录音机高级点，空调冷气足一点，鸭绒被头软一点，鸭绒枕头松一点，儿子女儿长得快一点，结婚结得早一点，外孙孙子壮一点，工钿最好多赚点，工作最好少做点，年纪最好活到一百岁出头点。

乙：要死，我是十三点。

甲：我问侬，迭个十三点侬要�？

乙：我勿要，我勿要第个十三点。

甲：侬想过�？

乙：我勿想。

甲：啥体勿想？

乙：因为想勿到了勿想。

甲：搿么侬想的着呢？

乙：顶好二十六点也要个的。

甲：搿咾，我脱侬讲，姚慕双，侬思想浪勿要一直想十三点，侬也应该改一改了。

乙：是呀，我是辣辣改呀。

甲：侬哪能改法呢？

乙：已经改好了，一件长衫改一件中山装，侬要去改�，我介绍侬去改。

甲：侬哪能胃口介好了，喂，我讲话侬懂�？

乙：还是侬了讲外国闲话，懂，我哪能勿懂啊，我老实告诉侬，我年纪老了，没用场了，老了，不中用了。

甲：啊。

乙：哪能又来了。

甲：星夜醒来，扪心自问，每当金鸡报晓，辰光曦矣。

乙：天亮了。侬迭个人怎么一夜到晚勿要睏了，像个叫哥哥。

甲：鱼肚云彩，浮想联翩，我迭个辰光想啊，想啊。

乙：侬想啥物事？

甲：我想到伲旧社会过来个，我想到这些无产阶级忠诚战士，我想到梅兰芳 ，想到周信芳 ，侬呢，一日到夜，我有差距，有差距，勿解决问题。

乙：侬闲话当中我迭个人一生一世从来没有做过好事体个。

甲：侬做做好事体，今朝真是机会，脱大家讲一讲，让大家学习学习。

乙：好事体多了，老是讲，我勿忒肯讲的，做好事体用不中讲出来的，一个做好事体勿要留姓名，要像雷锋同志学习，学习雷锋好榜样。

甲：侬现在讲出来。

乙：搿么，侬今朝定机逼牢我，那我就讲畀侬听，我只举一个例子，上个月，半夜里向，我跑进一条暗弄堂，我只听见悉悉索索声音，我张大眼睛一看，一看见一个坏人，手里拿把刀，同志啊，一把锃锃亮亮个刀对准一个老伯伯，叫一迭老伯伯手表脱下来，险险叫，迭老伯伯身浪没有手表，辣辣千钧一发个辰光，我四面一看没人敢上去，我就当仁不让，挺身而出，蹬蹬蹬奔过去，对坏人眼睛一弹，袖子管一翘，大喝一声，不许动，我马上拿自己一只手表脱下来交畀伊。

甲：喂，侬把个手表畀伊。

乙：迭搿咾伯伯得救了。

甲：老伯伯得救了，坏人逃走了。

乙：迭个勿管个，对勿了，到底一个手表调一搿咾伯伯。

甲：喂，侬迭个坏人侬放特脱了。

乙：迭个算放啊。

甲：这哪能勿是放特。

乙：叫侬哪能讲？

甲：当然捉牢伊。

乙：捉牢伊，六十几岁，捉得牢啊，对勿来，迭个坏人逃勿走的，后事来，我报告派出所，迭个坏人有特征的。

甲：啥个特征？

乙：两条眉毛倒挂个。

甲：哦。

乙：跟侬差勿多个。

甲：迭搿么侬开心了。

乙：勿勿勿，我勿是这个意思。

甲：迭坏人就是我，好�？

乙：我勿是这个意思，我特侬讲，我这个人到底是旧社会过来个，我是老百姓啊，我是一个滑稽戏演员啊，哪能脱优秀共产党员比呢，引人家笑笑，讲了彻底点，阿拉这种是做伺候人个工作个。

甲：啥物事，越讲越不对，人家伺候人个工作侬看勿起，那我讲两个畀侬听听。

乙：侬来捉弄我。

甲：像去劳动模范，优秀党员张秉贵 ，还有个桑钟焙 ，伊拉全是服务员，全是服侍人个，像张秉贵同志身在柜台，胸为五湖四海，一心一意要做顾客个贴心人，全国商业工作者像伊学习，像桑钟焙这样，几十年如一日，当人家问伊叫啥名字，只讲一句话，我应该做的，可是侬呢？

乙：侬勿讲了，桑钟焙我顶了解伊，我去跟班劳动个 ，我去体现生活个，伊哪能样子接待顾客，我也哪能样子接待顾客，我想想脱伊差不多个，我照样闲话比伊讲得多了，亲爱的同志们你们好，你们辛苦了，你们动脑筋找窍门，为国家解决了困难，阿拉交关感谢你们，㑚来吃饭对我们帮助很大，鼓舞很大，亲爱个同志们，没闲话了，伟大，伟大 。

甲：喂，侬了唱戏是�，啥个腔调？

乙：我弄不懂了，侬今朝啥个腔调，横也厌变我，竖也厌变我，侬到讲讲看，侬到底有点啥个先进事迹，讲出来吗，让我学习学习吗。

甲：我先进倒是没有先进，但是是这样子个，我个身世可以脱大家介绍一下，我从小也是苦出身，我辣辣一爿饭店里做堂倌个，老板又要打，老板娘又要骂，我吃尽人间苦头，解放之后我翻身了，我听党个教导，全心全意为人民服务，我现在想出来四心三快八满意，四心事热心，耐心，细心，虚心，三块，是出菜快，动作快，算账快，八满意，客人进门到出门有的八个满意。

乙：喂，迭个是桑钟焙，勿管侬啥事体。

甲：后来我又转业了，我转到科学战线浪向，科学战线浪向我又动脑筋，我不断攀登世界高峰，我现在要把哥德巴赫猜想变为现实。

乙：喂，这个是陈景润，侬是神经病，介许多事体跟侬勿搭界侪装辣辣侬的头上。

甲：我老实脱侬讲，侬脱这些优秀党员有差距，我也是有差距的，我是拿优秀党员个先进事迹印了脑海了，我顶好一口气拿所有的模范都介绍出来，我广泛宣传。

乙：好个。

甲：后来我又转业了。

乙：转到啥地方？

甲：转到上海曲艺剧团 。

乙：侬勿讲了，我还晓得个，侬一向来了曲艺剧团脱我一道的，侬还转�，侬讲还转�？

甲：我转不动了。

乙：辣曲艺剧团到底有些啥个成绩？

甲：成绩我还谈勿到，迭样子我有信心，辣辣党个教育下，在先进工作者优秀党员个带动下，我预备做出成绩到这个辰光我再向亲爱的同志汇报。

乙：喔唷，周柏春啊，没闲话了，伟大伟大。

甲：又要来了。