姚慕双 周柏春 王双庆-骗银楼

甲：侬动气也勿要动气的个，我闲话也没脱侬讲完了，侬跑啥物事跑啊。

乙：大家还是分分开客气点。

甲：我是为侬好啊，老朋友啊，侬哪能一眼也勿懂啊。勿也侬勿懂，怕怕我伲交关年数了，哪能侬一眼也做勿来个。上趟能介，电车站口头，抢帽子，抛顶宫。我脱侬讲过了呀，抢帽子，抛顶宫，辣辣电车站看，窗口里看，啊里个人带个铜盆帽顶好看，顶值铜钿，侬就来了伊旁边。等到铁门一关，电车一眼眼辣辣开了，侬笃笃定定跑上去，拿伊个帽子轻轻叫探下来，朝自己头浪一带，别转身体就跑。伊车门关上了，电车要开了，搿么伊跳下来，跳下来捉侬个，跳下来伊勿要摔死个。侬也没有个呀，像上趟能介，穷凶极恶，哦咯看见一只铜盆帽赞个，腾跑上去连铜盆帽连迭个头发迭个人轧嗒一把拿伊脱下来，被人家抓老。

乙：好了，勿要讲了，有知识别人，没知识自己，自己好了。像上趟仔一道辣辣电车浪，我吗望风，侬去摸皮夹子。侬摸皮夹子勿要讲的了，拿仔刀片跑到人加长衫外头袋袋外头，轻轻较滑两下。袋袋破脱，皮夹子跌下来，手接牢，侬笃定跑好了。没迭能介仔，拿仔刀片毕笼仔眼睛烂滑个，拿件衣服撤开，肚皮也剖开了。侬迭个是摸皮夹子啊，侬是开毛肠炎啊。勿对了，结果拿人家肚肠也拉出来了，也讲人家迭根链条粗个。

甲：好了大家勿要埋怨大家了，那哪能弄法了，夜饭都没吃过了。

乙：好了，夜饭没吃，啥人吃过了。老实讲，肚皮已经老早叽里咕噜了。

甲：喂。

乙：啥体？

甲：看见�？对马路一个叫花老太婆，看见�？迭个老太婆人身的蛮壮个，勿要讨饭个。

乙：老规矩。

甲：老规矩，好�？

乙：老浮尸，侬想的出迭个办法，养出儿子像花生米。

甲：看看去，去看看迭个老太婆去。

丁：娘娘来，太太来，吃的好来穿得好，一年四季赚元宝，先生，做做好事吧。

甲：姆妈。

乙：姆妈。

丁：㑚啥人了？

乙：我是阿大，伊是阿二。

丁：我没有儿子的。

乙：有个有个。

甲：姆妈。

乙：侬到记性介忒板啊，我伲脱侬一道逃难逃出来个。现在我伲两家头发财了呀。

甲：是呀。

丁：我来早养过一男一女老早死掉了。

甲：姆妈年纪大了，有眼老糊涂了。

乙：迭个辰光侬三十几岁，后事来五十几岁个辰光又养了。

丁：让我想想看，伊拉要把钱，是不是认错人了，只要把钱，拉倒了。我是有的儿子，我有个儿子，你们发财了。

甲：侬受苦了。

乙：我伲找的侬好苦啊。

丁：我也找的你们好苦啊。

甲：我们两家头畀侬享福了。

乙：姆妈，你脱我一道回去。

丁：好哦。

乙：再脱侬买件衣裳，再到国际饭店脱侬豁个浴。

甲：汏汏清爽。

乙：再到银楼里买眼首饰。

甲：姆妈，阿拉发财了，侬勿带首饰难为情�。

丁：啊呀，我们享福了。

乙：还又我伲个妹妹，就是侬个小女儿。

丁：我还又一个小女儿，诶，有个有个，我想起来了。

乙：小女儿要结婚了。

丁：喔唷，要结婚了，我哪能勿晓得了。

乙：诶诶诶，现在请侬一道去，姆妈我搀牢侬哦，豁个浴，调件衣裳。

甲：姆妈，我也搀牢侬。

（两个骗子搀仔迭个老太婆到国际饭店去开个饭店，豁个浴，再到衣裳店里买件新个衣裳。老太太打扮个雍容富贵。落落大方，马上叫仔一部小轿车三介头直奔银楼，到银楼门口头听下来。）

乙：姆妈，侬走好。

丁：哦。

乙：到银楼买首饰个辰光，侬顶要紧个要记牢，侬别样闲话顶好勿要讲。

甲：多讲闲话要豁边个。

乙：先在我伲侪发财了，侬境况蛮苦个，作幸侬漏出来了。

丁：我不讲迭个话。

乙：记牢，只要记牢两句闲话。

丁：啥两句话呀？

乙：一句是好个，一句是要个。

丁：我旁的话都不要讲，只要讲这两句话，一句话是好个，另外一句话是好个。

甲：姆妈，侬勿要忘记啊。

（三介头走进银楼店堂间）

丙：喔唷，好极了，两位少爷，三位是�？

乙：迭位是老太太呀。

丙：看的出个，福嗒嗒个，大少爷，请坐请坐。

乙：侬迭位是？

丙：我是此地个老板。

乙：老板老板。

丙：难为情个。

乙：侬贵姓是？

丙：我姓王。

乙：王老板。

丙：侬个为先生。

乙：鄙姓唐。

丙：唐先生好耶。唐先生，侬今朝过了预备买眼啥东西。

乙：今朝我伲两家头配老太太过了看看物事。

丙：好个好个。

乙：我个妹妹预备出嫁了。

丙：哦，大小姐要出嫁了。

乙：我伲屋里向是老太太做主个。

丙：看的出个，看的出个。

乙：搿么我伲佩姆妈来看看，姆妈看对就买下来。

丙：好个好个，顶好了。搿么㑚大小姐嫁畀了啥人，一定是大老板或者是小开，唐先生对�？

乙：讲畀侬听勿关系，王老板，勿过请侬要保密哦。

丙：我一定保密，勿讲哦。

乙：我妹妹嫁畀了东南亚一个国家，东南亚一个国家个白马王子。

丙：啊，侬大小姐嫁畀了白马王子。喔唷，了勿起，了勿起。搿么侬是白马王子个阿舅，对�？

乙：我是白马个阿舅。

丙：侬是马舅。

乙：侬到勿叫我唐马舅。

丙：是呀，侬叫唐马舅，侬姓唐，糖麻球。

乙：侬了讲啥个物事。

丙：对勿起，对勿起，我失言，我闲话讲错了。

乙：侬有点好个物事拿出来。

丙：好个，我有数了，我马上拿畀侬看。

乙：姆妈，拿出来，侬先看看看看。

丁：好个。

乙：姆妈，假使看的对，要个就买下来。

丁：要个。

丙：唐先生。

乙：诶。

丙：迭只金刚钻好�，迭只戒子一克拉半，价钱也便宜个，没多少，光头到也好。

乙：只有一克拉半。

丙：诶。

乙：王老板，只有一克拉半侬勿要拿出来了。

丙：咋了。

乙：像迭中金刚钻我伲屋里勿稀奇个。

丙：哦。

乙：侪是小囡玩具，打打弹子。

丙：搿么哦，对勿起对勿起对勿起，我有眼勿识泰山。阿毛，来来来来来。

戊：诶，老板。

丙：迭把钥匙畀你，里向打开，里向只红盒子拿出来。

戊：里向个。

丙：诶，老太太侬坐着，里向去拿了。唐先生，我现在去拿迭只戒子，一般性我勿拿出来个，人家买勿起个。迭这戒子，八克拉。怕头交关大了，是乾隆皇帝皇冠浪个一颗钻了，火油钻个，雪白。价钱便宜个，勿多，只要五十根条子。

丁：五十根条子。

丙：大条子。阿毛来。

戊：老板来了。

丙：老太太，看见�，好�？

丁：好个。

丙：要�了？

丁：要个。

丙：唐少爷，老太太要了，请过目。

乙：迭只。

丙：迭只顶大了。

乙：颜色到是绿茵茵个。

丙：火油钻个。

乙：好个好个，姆妈讲好个，我伲总归同意个。

丙：搿么侬去畀伊看看。

乙：老太太，侬看好�？

丁：好个。

乙：要�？

丁：要个。

乙：放辣辣，五十根。还有�？

丙：还有了，还有一只猫儿眼。

乙：迭个猫儿眼有啥拿出来了。王老板，这猫儿眼，狗儿眼，只有一眼眼，勿入眼个，勿上眼，勿起眼个。

丙：勿对个，我迭只猫儿眼与众不同，稀世之宝诶。迭只猫儿眼，据说是从前据说慈禧太后带个。迭只猫儿眼一道夜里是金光锃亮，放了枕头里，老鼠都勿敢进来了，小老鼠看见跳三跳。

乙：照侬迭能讲，小老鼠，迭个大老鼠总勿来事了？

丙：大老鼠看到马上就昏倒。

乙：搿么，㑚屋里向猫可以勿要养了。

丙：阿拉就是没养，就是为仔迭只猫儿眼介好了。搿么多少了，我要卖也是五十根条子。有个人了，还我四十九根，勿卖个，伊拉勿识货个。

乙：姆妈，侬看看迭只猫儿眼好�？

丁：好个。

乙：搿么买下来，哪能？

丁：要个。

丙：喔唷，好极了，好极了。

乙：老板，迭两样物事收收好，我伲侪要个。

丙：一百根条子。

乙：我想打电话，打畀我伲妹妹，搿么我也想请妹妹也来看一看。

丙：个顶好了。

乙：姆妈看仔下来决定，让妹妹也看看。

丙：到底是新娘子，㑚妹妹要个。

乙：个搭电话有�？

丙：电话堂头。

乙：喂，叫大小姐听电话。啊，侬妹妹是�。现在，我伲脱仔姆妈辣辣银楼里向，请侬来一达好�。啊，有两样物事请侬来看一看。啊，哪能事体，哦，岂有此理，岂有此理。哦哦哦，侬勿要来仔。我有数，我有数，就转来，就转来。哦哦哦，再会啊。

丙：大小姐啥话讲了？

乙：大小姐发脾气了。

丙：啥事体了？

乙：阿没有个，我伲屋里向来仔六七个珠宝店老板，哦咯定记要做生意，拿大小姐围牢，迭个大小姐被搞的来昏头六冲，气煞呀。

丙：个哪能勿要气啊，没啊。

乙：结果一个一个被伊踢出去。搿么，老板，现在迭个两样物事我伲带转去。

丙：好个，好个，我脱侬一道去。

乙：哪能一道去呢？

丙：我跟侬一道去。

乙：屋里向老板侪踢出来了，侬现在再去勿要被我伲妹妹踢出来啊。

丙：哦，搿么咋弄法呢？

乙：我晓得啊，侬勿相信我。

丙：没迭句闲话，我哪能勿相信侬糖麻球呢，对勿了，我哪能勿相信侬了，对勿了。

乙：搿么，迭能样子好�，既然个能样子，让侬放心，我伲姆妈等了此地，老太太此地等辣辣。

丙：好好好。

乙：我现在拿转去畀了妹妹看，看的满意马上就买，看的勿满意个话，物事马上还畀侬。

丙：哦，可以可以，老太太等了，其实，老太太也可以用勿着等了，我哪能会勿相信侬呢。

乙：姆妈，侬此地等一些好�？

丁：好个。

乙：我伲等些畀妹妹看仔马上就拿伊买下来，就来接侬，侬眼点心吃吃侬要�？

丁：要个。

乙：老太太招待招待。

丙：我有数了，晓得。

乙：阿二，我伲两家头走呀。去了，姆妈，再会啊。

丙：老太太，侬福气交关好。

戊：老板。

丙：阿毛，我老板要交运了。

戊：老板，侬要发财了。

丙：对个，我是要发财了。我昨夜做了一个乱梦个，做仔财神菩萨拿我假假两巴掌。

戊：老板，迭个财神菩萨打两记耳光迭个是出霉头个。

丙：迭个是I好事体呀，一计耳光五个金手印。一计耳光几根大条子了，五十根。

戊：哦。

丙：另外一计又是五十根，两记耳光，外加是买两样东西，一百根，准勿准个？

戊：老板啊，晓得迭能介，昨夜菩萨也刮我好了。

丙：侬福气没个，勿要多烦。

戊：老板，我有桩事体脱侬讲。

丙：讲好了，侬脱我交关年数了。我待侬像自己人一样。

戊：我今年已经三十六岁了。

丙：诶诶诶，三十六，咋话了？

戊：我衣裳破脱自己补个。

丙：哦，我明白了，侬勿要讲了，三十六岁还没谈朋友，对�，要想谈朋友了。勿脱侬老同事了，明朝乡下头脱侬弄一个上来。

戊：乡下头，我勿要个

丙：乡下头勿要个。

戊：我有一个已经看中了。

丙：看中了，啥人？

戊：就是对过十八号个。

丙：灶披间里卖咸菜个。

戊：勿是个，楼浪厢，一个红歌星。

丙：啊，红歌星啊，小鬼啊。侬癞蛤蟆想吃天鹅肉。

戊：我想问侬借两根大条子。

丙：借两根，慢慢交再讲。去去去，去买眼点心去，捡好个畀老太太吃。

戊：红歌星我照侬排头了。

丙：侬还要来了，我晓得了，去。老太太，侬福气交关好了，现在去买点心了。

丁：好个。

丙：侬啊要吃眼东西，要�了？

丁：要个。

丙：老太太，我还有两样物事等些一道畀侬看。

丁：好个。

丙：假使侬要个一道带走。

丁：要个。

戊：老太太点心了，迭个是刚炸出来个猪排。

丁：好个。

戊：还有乡下浓汤。

丁：要个。

戊：哪能老太太吃物事勿用刀了叉，哪能侪用手拿个了。

丙：侬勿要大惊小怪，有铜钿人家迭能介吃实惠。

戊：勿对啊，伊哪能拿手节头摆了嘴巴里去嗦嗦伊。

丙：喔唷，勿对个，阿毛，迭个老太太吃猪排哪能连骨头一道吃下去。

戊：哪能迭个汤，老太太用舌头去舔个了。

丙：勿对，老太太迭件旗袍里向，一件破棉花侪露出来了。

戊：老太太一只大脚节头露了鞋子外头。

丙：老太太，老太太，㑚儿子去仔交关辰光哪能还没来了，打只电话去问问看，好�？

丁：好个。

丙：㑚电话号头是多少？

丁：要个。

丙：电话是侬打还是我打。

丁：好个。

戊：老太太，㑚屋里住辣辣啥地方？

丁：要个。

丙：人呢？

丁：好个。

戊：两个儿子是侬啥人啊？

丁：要个。

丙：㑚儿子作幸勿来了？

丁：好个。

戊：㑚女儿小姐结婚有�？

丁：要个。

戊：老太太，侬是啥人了，我马上叫警察。

丁：好个，勿好个。

戊：侬到底是啥人，侬讲？

丁：我是个要饭个。娘娘来，太太来，吃的好来穿得好，一年四季赚元宝，先生，你们把个钱吧。

戊：老太婆，两个儿子哪能叫侬姆妈啊。

丁：我勿晓得个，马路上我勿认得个，伊拉要叫我姆妈，我糊里糊涂就答应了。

戊：搿么，侬到迭搭来啥体？

丁：我勿晓得，伊拉叫我来的.

戊：侬别样闲话侪勿讲，只讲迭两句闲话。

丁：他们关照我的，旁的话不许讲，只讲两句话，一句好个，一句要个。

丙：喔唷，阿毛呀，阿毛，我一百根，一百根金字侪完结了，勿要讲一百根金条。连搭一百根油条都买勿着了。

丁：好个。

戊：老板，我本来要讨红歌星，想勿到碰到迭个老太婆扫帚星了。

丁：要个。

丙：老太婆，我一份人家哦记没了。

丁：好个。

戊：老太婆，阿拉两家头要死畀侬看了。

丁：好个。

丙：又要来了。