死港女 - 020
 241

死港女 - 020

倍速播放下载收听

00:00
05:03

咁佢突然間喊....大家好自然就去安慰佢...問佢咩事....

佢講到話成日比男仔玩....次次真心對一個人...到頭來d人都只不過係為左佢既身體...一d都唔會注重既既內心感受......今日個阿mark又係咁...點解每次受傷既都係佢喎.......我聽到真係    

喊完...d人安慰完....又好似無事咁樣繼續玩.......呢一刻我覺得阿may好L恐佈....佢咁樣擺到明就係peter面前洗底(把黑暗的往事刪掉)姐, (佢應該覺得我會同peter講佢以前既野) 以前最多都只係要面..要威姐.....點解而家會變到指鹿為馬...黑白癲到咁攻於心計架.....

中間我有諗住去廁所既機會同peter講下阿may份人, 但peter應該已經醉左一大半...根本就聽唔明我講咩....咁我諗住第日先警告下佢啦....

玩到半路中途.....may話醉走先.....peter話送佢....

第二日......我訓醒打比peter..........點知peter已經rip (Rest In Peace, 就是死了)


打比peter...問下佢琴晚做咩飲到咁醉....講講下....發覺....原來琴晚阿may去左佢屋企(家裡)訓(睡覺)....  

追問之下...原來琴晚peter想送阿may返屋企既時候..阿may話飲到好醉....搞下搞下(如此這般)...就唔知點解同左佢返屋企訓......

開頭仲以為peter同屋企住....原來只係同一個屋苑.....peter屋企早就買左間屋比佢自已住....

咁唔洗講啦...琴晚就一定咩左(怎麼了)啦.......

我果時心裡面真係有少少葡萄(心酸,妒忌)...當年我用左大半年時間先食到阿may....個阿mark外型殺晒(無敵), 溝佢溝到隻狗(出盡全力)咁樣都食唔到......你條死毒L識左佢唔夠24小時, 洗(花了)果(那麼)幾舊水(幾百塊錢), 就可以令到阿may主動比你食....你憑咩??憑咩  

不過始終都係果句....要食女容易...或者要d女主動比你食...都係離唔開幾樣野....一係你就係d女岩岩發育..即係發姣...入世未深既時候溝左佢....食佢隻豬....例如D MK...

一係就好似peter咁....有錢...或者事業有成....你就可以食到索野(美女)...或者佢最風華茂盛既時候.....

我同阿mark呢d中間人.....永遠都只係可以做可厹(狗公).....好彩既就好似我咁囉....有得食下....唔好彩既就好似阿mark咁囉...受盡屈辱之後彈開........

葡提子還葡提子....始終都想睇下peter想點.....我就當然想講盡阿may是非, 然後叫佢今日執多兩劑(多吃兩頓)...然後飛左佢(跟她分手)啦....始於都唔想害個朋友....

都未講出口....阿peter就話想訓多陣...然後同阿may出去食野...第二日請我食飯...話當多謝我介紹左個女朋友比佢識喎......(其實當時我感覺到係阿may叫佢收線)

之後peter無打比我.....過左幾日...先係醫院餐廳撞返peter...

問佢點...佢話同阿may已經發展到見左peter屋企人....過兩日放假就會去阿may屋企見下伯友(伯母)...

我問佢洗唔洗咁快呀? 佢話阿may打算搬去佢度住....所以咪快少少見下屋企人先囉...咁樣於禮上..比較好既....

我都唔怕R爛塊面(不顧顏面)....講出我好想講既說話.....我話阿may同佢一齊只係為錢架咋....都未講完....

peter就話: 得喇...一場朋友....我都知你為我好....不過阿may早就講左佢以前係好貪玩....不過而家唔同架喇...佢好想穩定落黎......我好明佢架....你唔好戴有色眼鏡睇佢啦......係朋友既就應該祝福佢.....

去到呢度....我都知再講落去都無意思.....再講就只會比條8婆覺得我打佢毒針(講她壞話)....我而家能夠做到既....真係只有祝福peter

评论

    还没有评论,快来发表第一个评论!

打开喜马拉雅,发表评论