死港女 - 019
 256

死港女 - 019

倍速播放下载收听

00:00
05:28

讲下peter个背景先, 当年我识左peter几个月, 知佢份人都几大方既, 加上又傻下傻下(傻乎乎的), 成日都比人屈请食tea(吃下午茶)既, 家住何文田一个传统名牌屋苑, 屋企环境应该唔差, 九喇(九龙喇沙,一家神级学校)和尚寺(就是男校)毕业, 之后中大(中文大学)读医, 出左黎几个月, 可以话已经赢在起跑线...


係唔係未拍过拖就唔清楚, 不过我估计就未拍过, 就算有都係果d暗恋单机版....


而于阿mark, 识耐左先知係做电工维修, 应该中学毕业......挂(我猜)..........为人玩得, 识得搞气氛, 虽然只係做电工维修, 但几识着衫, 外型唔错, 佢係fd个生日party度识阿may既, 当时追左佢2个月, 佢觉得应该差唔多追到手...


拉左peter入厕所, 我问佢係唔係对阿may有意思...条Hi Hi竟然话阿may唔错....话将来睇下点先....


我同佢讲话阿may以前同我拍过拖, 佢份人好鬼死贪钱, 好少姐脾气, 而且佢之前都试过一脚踏两船, 讲左唔少佢既衰野.....


点知peter竟然同我讲话....人人都有过去架喇....以前既佢唔代表而家既佢, 可能佢已经醒觉呢?


听到呢度....我已经知道peter食左迷X喇, 由于厕所多人出入, 都唔太方便讲野, 我决定过埋今晚先搵个机会同佢慢慢倾, 之后返返出去....


坐返埋阿june身边....佢问我搞掂未? (意思係叫我警告peter) 我细细声讲句.... 唉.... 唔知呀...



一行30人係西贡食海鲜, 2围台坐晒, 一围食烟, 一围唔食, 我坐唔食烟果围


左至右 june<<我<<<peter<<两个女仔<<<mark<<<may


大家一路食....一路讲下头先(刚才)d好笑野, 讲讲下....当时阿mark好礼貌咁帮我地加茶...由左至右....我好记得当加到阿may果阵....个壶无晒茶.....阿may就爆seed....


你有无搞错呀, 明知我隻杯无茶, 你都唔加我先....你咁唔体贴架....以后旨意你就死喇....


mark 我而家即刻去加水呀.....讲完就起身入去铺头自已加水....(果时我地坐路边食)


係mark去加水期间...阿may又讲: 睇见靓女就连老豆姓咩都唔知, (意思係话阿mark对坐係佢阿离个女仔有意思) 打打下麻将又走左去玩, 虽然话介绍女仔比佢识姐....睇岩都唔洗咁快唔理人架, 好彩当初无比佢追到姐...


讲完呢番话....mark隔离个女仔即时反应....哗!!唔好摆我上台(拿我当挡箭牌)好喎...佢摆到明(明显)就係追你架啦....may姐


你识得佢耐就知架喇....佢见一个追一个架......


阿mark返到黎....帮阿may加埋水....


阿may: 算喇...我唔坐你隔离(旁边)喇....废事(以免)阻住你沟女喇...之后走左黎坐係peter隔离....将果两个女仔向右移左一格....


发展到咁....其实大家都知係咩一回事......不过大家都只係想开开心心食餐饭...有人打完场咁讲:男欢女爱, 各自精彩....为大家今日船P玩得咁开心饮杯!!!!!!!!!!!!


mark之后都无出过声....而坐左係peter隔离既阿may亦变得好温柔....仲识得刴濑尿虾壳比peter食....(peter唔识)


食完饭....大家打算去唱K........


食完饭, 埋单, 扣埋(扣除)阿公(公家)既钱, 每人百几蚊 阿mark拎两份钱出黎, 但阿may就话自已比返自已果份得喇, 佢话唔惯普通朋友请佢食饭喎....呢下(这一幕)我真係笑左  


食完饭...仲有十几人去唱K, 阿mark话唔去.....(仲边有心情去呢?)


係小巴度阿may已经同peter坐埋一齐, 果时我已经担心, 反而阿june就无咩野, (佢剩係知道我以前同阿may拍过拖, 但就唔知佢既前科)


去到K房...大家就各有各玩.....阿may就痴住peter, peter猜得(猜拳)好屎(很水)....好快就半醉....阿may就开始帮佢顶酒....


玩玩下....阿may突然间喊左出黎..............

评论

    还没有评论,快来发表第一个评论!

打开喜马拉雅,发表评论