方艳华 郭明敏 孙中伟-打乒乓

甲：我辣想每一个人侪有伊个爱好。

乙：哦，啥个爱好呢？

甲：当然了，比方讲今朝在座的观众朋友们，伊也有伊一定个爱好。

乙：啥个爱好？

甲：伊勿爱好，伊就勿会来看滑稽啊。

乙：搿倒是个，我也有爱好个。

丙：侬也有爱好？

乙：我顶顶爱好骑马，我爱好，我啥体到儿童公园去骑马呢。

丙：像迭种爱好我也有个，我顶顶欢喜游泳啊。

甲：啥地方去？

丙：勿欢喜，啥体到浴德池 去氽一氽，外加温水个。

甲：勿过阿拉演员更加勿同眼。

乙：哪能了？

甲：除脱自己爱好以外还学眼物事。

乙：啥个物事？

甲：比方讲辣屋里学学画啊，写写诗，空下来打打乒乓球。

乙：唉唉唉，讲起乒乓球我老鬼了。

甲：哪能了？

乙：李富荣是我教出来个。

丙：讲起打乒乓勿是骄傲。

甲：做啥？

丙：世界冠军侪时候此地培训出来个。

乙：真个？

甲：㑚侪勿得了吗，喔唷，看上去侪是狠将，样样侪会搭个，搿么迭能，现在马上比赛。

乙：比赛。

丙：要去搬台子了。

甲：勿呀搬，此地就是台子。

丙：介大只台子。

乙：那变超级台子了。

甲：超级台子。

乙：乃么啥人打呢？

甲：我特请世界超级乒乓明星。

乙：啥人？

甲：老三老四排骨队。

丙：要死了。

乙：就是阿拉两家头。

丙：侬做啥呢？

甲：我做裁判员。

丙：好个，超级裁判员。

甲：搿么㑚去准备准备，同志们一个人做事侪是实事求是，有多少水平讲多少闲话，搿伊拉两家头勿得了啊，世界冠军是伊拉教出来个，为啥叫伊拉老三老四排骨队，侬一看伊拉个比赛就有数目，现在运动员入场准备。喂，啥地方去？

乙：打球。

甲：打球，啥地方打了，此地一只台子呀。

乙：辣此地啊。

甲：跑过来，大乒乓规则晓得�？

丙：晓得个。

甲：分开。

乙：分开，分开。

丙：分开就分开，又勿吓侬个。

甲：㑚两只啥物事了？

乙：记号，记号。

甲：啥记号了？

乙：三号。

丙：四号。

甲：像托儿所跑出来一样。

乙：像老四学习。

丙：像老三学习。

甲：对个，友谊握手。

丙：还要握手了？

甲：哪能勿要握手了。

丙：带带过算了。

甲：一定要握个，脱侬握手，喔唷，像办伲家家一样。

丙：有啥握头了。

甲：来，开球。

丙：开球。

甲：好了，变看《上海滩》了，还猜拳，介客气做啥了，喂，哪能吃下了，快点去吃口茶，搿能样子个，搞来。

丙：报告裁判员，伊有吃，我没吃个。

甲：伊吃台球，侬吃绢头，还超级了。

丙：报告裁判员，吃下去了。

甲：好准备发球。

丙：报告，吃下去了，声音有�？

甲：要看㑚水平，有多少水平就有多少声音，准备发球。唉唉唉，啥体了，啥体了。

丙：报告，看角度。

甲：要命了，看角度看得来变贼骨头一样，准备发球。球呢？

乙：刚刚声音啥地方来个？

甲：勿要去管伊，咯哒咯哒。

乙：想问问看。

甲：打出世界水平来，喂哪能出穿西洋镜个了，好了好了，重新开始，准备发球。好了，㑚勿像打乒乓了，㑚像拳击比赛。