王无能-南腔北调（1934年高亭唱片）

高亭公司请老牌滑稽王无能唱《南腔北调》。上海个小调多得邪气，唱起来侪有一定，苏州人唱苏州调，上海人唱上海调，现在个“春调”板要无锡常州人唱丁顶好听，苏州上海宁波就不成功。敲末敲锣，侪有规矩。字眼唱辣牙齿里向，力道交关大。（唱）春季里来是新里个春，家家里个户户点红灯，红灯点得多多少少，大大小小侪开心。（白）叫江北人唱起来就一塌糊涂。江北人另外有一种土白，叫这块那块，这个啦个，七个八个，勿晓得搿种土白勿能够摆进去，一放进去就难听向，我来学两声江北人。（唱）春季啦个里来是新啦个。（白）喔唷，独是啦个啦个，讨厌也讨厌，春季里来倒摆仔两个啦个。

搿么江北人有江北人个调头，十杯酒，十送郎，打牙牌，五更相思，连得扇子侪好唱。江北个调头比无锡常州“春调”还要难学，伊个音从脑门里往鼻头管里出来，来唱唱《十八扇子》。（唱）一把扇子七寸长，（来啦鼻头里来），一个人扇风是两个人凉，杨杨柳青。这个啦个硼，七个八个送。（白）乃么用得着这个啦个，七个八个，这个啦个用啦得当。迭个调头叫倷苏州人唱勉强而行，碰着我个朋友宁波人，也要学江北调，杀细要唱《十把扇子》，唱到第三根骨子里就逃走脱了。（唱）一把扇子七寸长，一个人扇风是两个人两凉。（白）我吃勿消，阿哥，倷喊吃勿消。怪是也勿能怪，倷叫上海人唱，上海人个字眼也无不力道。上海人板要唱本滩，唱搿种江北调也只不过半把扇子。（唱）一把扇子七寸长一个人扇风是两个人凉，杨杨柳青。这个啦个硼，七个八个送。（白）喔唷，衰瘏来，喊衰瘏，本地人只好唱王筱新搿种本地滩簧交关有味道。

《南腔北调》二段。本地人唱搿种江北调哪能对，本地人板要东乡调，本地滩簧。（唱）啊呀东方日出照高楼，香闺园独生女娇秀，阿妈娘。（白）扮演阿妈娘，有趣。

滩簧里向本非本滩，苏滩也勿及宁波滩簧顶好。为啥道理，宁波滩簧句句有韵脚。宁波滩簧有一段叫《白牡丹》，上海人叫《白牡丹》，阿拉宁波人呕《白牡丹》。宁波三月三顶闹猛，乃么没白大桥垃圾桥，只有新江桥老江桥东门盬昌门江东江北岸。唱起宁波滩簧劲道交关大，胆子小个人魂灵侪要吓出来，我来唱两声畀㑚听听看。（唱）哦吓宁波是有三月三，新江桥我喏勿来海，我喏勿来海，人家呕我白牡丹，为啦我喏白牡丹，石头一跌板，脑脊轧出两茶盅，害我三日勿吃饭，四日勿拕筷。阿爸又要辱，老人伊要喊，睏辣眠床双脚甩，害爹害娘白牡丹。裁缝师傅为了我啦白牡丹，马褂伊为做被单，包脚布伊为做钉钮攀，害爹害娘白牡丹。（白）韵脚交关好听，三月三，勿来海，一跌板，两茶盅，侪辣韵。您告我王无能苏州人学宁波滩簧，我一句宁波闲话也勿会讲个辰光，江浙两省方言大勿相同，我学宁波滩簧，隔壁乡邻二房东喊我搬场，当仔我念啥高王经，石梗。（唱）哦吓宁波是有三月三，新江桥，您也辣浪，我也辣浪，大家叫侬白牡丹，石头浪向踨一踨，脑子跌脱两茶碗。（白）就勿好听。

苏州人板要宣卷，搿是苏州人让还两家头搭档蛮好听。（唱）南无消灾延寿王菩萨，敲木鱼，香山宝卷初次开，诸佛菩萨降临来。（南无哦啊）。善男信女仔细听，（南无哦啊），听我来一言一言说分明，（南无）。（唱）交关好听，您告宁波人唱宣卷也勿来事，隔壁人家听错当绍兴高调。（唱）南无消灾延寿王菩萨雷，香山宝卷初次开，诸佛菩萨降临来辣。（白）搿辣字用勿着。搿么苏州人非但宣卷，诸还两位说书先生顶好听，迭个调头叫俞调。（唱）咚咚里个隆咚咚咚隆滴咚。一出门来二小桥，三人推牵四人摇。（白）五小姐勿能唱，唱五小姐鼻涕也呀唱出来，要唱五小姐。（唱）五小姐独坐中舱内。（白）交关好听。

高亭请王无能唱《南腔北调》三段。江北人唱小调确头是好听，我有个师兄江北人，伊要学京调，还要学汪笑侬一派，迭出戏叫《刀劈三关》，勿晓得迭段《刀劈三关》迭段流水勿忒好唱，照京调唱起来一式一样勿不高低。（唱）刀劈三关威名大，只杀得胡儿心胆怕，番邦的女子无所档，年纪不过十七八，胯下一匹草马，手持九龙刀一把。（白）大，马，档，把，一式一样。否晓得江北人学第四句露出马脚来。（唱）刀劈三关威名大，只杀得胡儿心胆怕，番邦的女子无所档，年纪不过十七八，江北人唱八，差头门里，板要唱十七八好听。怪末难怪，侬要是苏州人唱，番邦的女子无所档，年纪不过十七八，上海人唱十七八，听侪勿好听。勿过江北人难听下头看戏人，破，一把茶壶厾上来，作孽拿江北人头袋厾。搿么侬开仔头逃走脱呢，伊看勿肯认错，还要唱两句摇板，怪看戏朋友错，伊明明叫厾开头了勿唱，勿是我自己勿唱。（唱）刀劈三关威名大，只杀得胡儿心胆怕，番邦的女子无所档，年纪不过十七八。（白）破，下头一把茶壶厾上来。（唱）哎呦喂，乖乖不得命，呛咯擂啋咦擂呛，呲特擂特呛呛呲擂特，把我的骷颅头打开了。（白）还要量，伊死横个腔，搿么叫难行。

搿唱迭种调头是勿来事，那侬改行吧，京戏是好勿唱，伊自勿量力，勿领盆，这什么话，我板要去吃开口饭，后来改行去唱大鼓调。大鼓调上海只有两种，一种京韵大鼓，一种山东梨花大鼓。唱大鼓一个叫白云鹏，一个叫刘宝全，一文一武，刘宝全唱个侪是《三国志》浪个，白云鹏侪是《红楼梦》，勿过北京人个大鼓中气足，勿要说北京人，就说天津人，大使馆对过两爿天津馆，堂倌喊点心吓得乡下人从楼梯浪跌下来。先来三只饺子，四只锅贴，两碗炸酱面，乡下人扶梯浪疼疼跌下来。京韵大鼓没啥难唱。《南腔北调》四段，京韵大鼓啥个难唱，中气足，音往脑门里来。刘宝全唱京韵大鼓《单刀赴会》，弦子一弹，我没弦子嘴里弹弹。（唱）登个冷登咦个冷登登，为借荆州，咚个里个里咚，惹下了祸端。（白）银往劈头管里出来。（唱）咚个咚咚咦个隆滴咚，那东吴摆宴聘请圣贤。（白）好听。江北人自勿量力，唱还俚江北大鼓，哇用还俚弦子，拉还俚胡琴。（唱）咚个咚咚咦个隆滴咚，中华民国。（白）中华民国题目倒蛮好听。（唱）咚个咚咚咦个隆滴咚，到今朝虐。（白）到今朝末到今朝，伊要摆虐。（唱）咚个咚咚咦个隆滴咚，那大为人先生出得真不少。（白）韵脚倒蛮好，第三句什么玩意儿。（唱）咚个咚咚咦个隆滴咚，人家说天下勿南市，随便什么东西只要面皮老，你看我的胆子真勿少，个人要唱啦搿大鼓调，我唱的勿好勿要笑，切勿要把茶壶头浪抛，打开头乖乖勿得了。（白）伊您又将怕吃茶壶，先打招呼未雨而绸缪，免得临渴而掘进，阿唷第三段题目越加大。（唱）咚个咚咚咦个隆滴咚，奉劝各位，隆个里个咚，好同胞，（四万万），咚个咚咚咦个隆滴咚，规规矩矩把生意来做，你切不要到四马路去去瞎胡调，那胡调啦个事情最勿好。我还要劝你勿要到堂子里去嫖，那堂子里个姑娘坏个多，要说伊好个实在少，她两只啦个眼睛瞄辣瞄，瞄的啦个洋细与钞票，你要把那大洋细用完了，她背后还要骂你杀千刀。（白）杀千刀倒还是小事体，后头两句尤加勿通。（唱）咚个咚咚咦个隆滴咚，她骂你山门还算小是虐，咚个咚咚咦个隆滴咚，倘若你还运气勿大好，你杨梅疮染上勿得了，你开了一个天窗就看勿好，辣个六〇六都打勿到，倘若你把鼻子去烂掉，那个朋友来找你找勿到，我就看你怎么好去拍小照。（白）烂脱鼻头还要拍小照，拍出个洞洞眼阿难看。