阴村诡事036师傅离去

原来嗰日我昏迷之后，係黑无常将我送翻阳间，仲将师父嘅命魂一齐交左比师兄，当时师兄因为中左尸毒，啱啱醒翻，身上面嘅伤口又未痊愈，就同王嘉一齐将我送翻屋企，跟住将师父嘅魂魄全部归位，第二日一早，师父醒左之后，就同师兄一齐去揾青花婆婆同鬼叔嘅下落。青花婆婆当时之所以一定要师父嘅命魂，係因为炼制黑白双煞唔单单係需要女人嘅阴魂，仲需要一个术法修为深厚嘅人嘅命魂作为魂引子，一齐同其他黑白双煞嘅阴魂炼制，噉样炼出黎嘅尸煞先会最犀利，而且因为融入左修为深厚嘅命魂，尸煞仲会有人嘅思维，智力同常人一样。