《周仁嫁嫂》下卷 新馬師曾 附曲詞

【二王倒板】

只因生逢絕境

【泣殘紅】

夜來月照荒山，隱見似愁城，

傷心都又叫聲

（攝白：啊妹妹）

已經過雲亂慘嘆人靜，

哭妻你理一旦受嚴刑，

可憐我叫盡了千聲，

都未見愛妻魂兮應我一聲，

孤清清，淚似冰，

盡經絕嘆聲，叫我恨也怎罄

【南音短板面】

唉吔，夫妻分離后重連累我囉，得獻嫂不義名。

【回文南音】

妻啊你好比桃花咁薄命，

我憐卿，卿如飛絮，

嘆孤零，零落好似只杜鵑，

佢留倩影，影入了郎心，

總覺片片冰，你冰肌玉骨，

真值得人愛敬，

敬卿你酬恩捨己。

【乙反南音】

兩都分明，

唉，獨惜名花枉有清如聖，

你性比寒松一樣清，

青衫有淚殘夢醒，醒來殘月。

【乙反二王】

照住呢只孤雁哀鳴。

【流水行雲】

愁慘聽，好似野鬼叫罵人聲聲，

睇下月遮蓋，仲有啲墳邊亂草都更有流螢，

背后哨哨聲，好似月夜虎豹我暗擔驚，

愁恐半夜風雨倍心清，

今晚定必要去覓屍慰佢墓陵，

行行在峻嶺，又覺心焦又發㷫，

念妻你受苦嗰種情形，

枉作丈夫自怕難無力挽嬌命。

【悲秋襯白】

可恨嚴年恃勢欺人，

逼我周仁嫁嫂，

點知在洞房之夕，

我妻不甘受辱，

而立心去刺殺那奸徒，

唉！不幸此弱質女兒，

竟被奸賊當堂監生將佢打死，

仲將佢個屍骸掉落荒山，

可憐我共佢只做得三載夫妻，

一朝就要九泉飲恨囉

【長二王】

回憶水晶簾下我和卿，

十二欄桿皆倩影，

豈料我聰明處，你比我更聰明，

我只為一枕承歡，

誰料佢要殺飄紅夢，

而家變了陰陽阻隔，仲兩傷情。

從此后夜夜元宵有誰個相陪穿花徑，

可憐我流盡千行珠淚，踏遍了萬里行程

【雨打芭蕉】

可憐我孤零零，獨困愁城，

嗟嘆往日喚娉婷，

在園林共訴情，

你要我題詞、題詞兼即景，

相對歡笑聲聲，我再愿曾下聘，

婚事得成心早慶，只望藍橋共種成，

豈知一朝惹愁城

【乙反中板】

我今晚踏破鐵鞋，

愁聽那殘月疏星，

腸斷了幾回，迷路徑，

可憐我走遍了荒山，

依舊難尋蹤影，

卿知否我半步都未敢留停，

我不怕力歇與聲嘶，

難忘把你玉體得尋，

愿作一對鴛鴦、鴛鴦同命；

我猶勝枉偷生，

我自愧護花無力，

都空有十萬嘅金鈴。

【乙反花】

只有剩得兩行珠淚泣芳魂，

唉！我一點癡心唯天可證，

縱此間風雷和雨打，

都難阻我一片真情。