《萬惡淫為首之玉笙怨》 新马馬師曾 吳君麗 附曲詞

撰曲：潘一帆

陳子年——新马师曾

曾楚雲——吴君丽

楚雲：【小红灯】最怕被闲人见，回头把步履移。真忧煎，为玉郎暗牵，祈祷佢复明叩苍天。盼君、盼君快病痊，暗痛亲心变，我志比铁石还坚，与君会见。

曾仁窮：【口白】阿雲【白榄】个衰女嚸打算，任你医极个盲鬼都睇唔见。除非华佗就再翻生，否则就嘥嗮我啲钱。如果你嫁俾阿张县台，阿爹有势有财兼有面。嚸知你宁愿嫁个盲公，招接佢回家就真喺讨厌。成年食住仲请医生，正式喺盲佬贴符都冇化算。精嘅就快啲退婚，无非就为你幸福来打算。你若果不听老人言，我立即驱逐佢离家苑。

楚雲：【沉花】唉吔吔，爹你何出此言呀。【花下句】望把成命收回，年哥得重睹光明，佢当报你巍巍恩典。

曾仁窮：【口白】嘿！我仲望阿盲仔嚟报恩呀？我但求佢唔喺我哩处嚟到黐餐，我就偷笑嚹。嗱，我话俾你听呀，你要乖乖哋听阿爹话，立即同佢就一刀两断！

楚雲：【口白】阿爹，乜你咁讲呢？若果俾阿年哥知道你讲呢番说话，就会将佢自尊心嚟到伤害㗎啦。阿爹，你何必把虚荣贪慕，反对呢段指腹嘅姻缘呀？

曾仁窮：（白：笑话！）【花下句】婚姻当从父命，岂容你嫁个盲仔得咁眼冤。个盲鬼就只好去唱南音，我无论如何，不准佢在我家中留恋。【口白】嗱，我话俾你听呀，你走去话俾佢听，即刻要佢誃！唔喺要到我出声，就确喺唔客气咖！嗱我而家赶住去有单生意倾下，你记得话佢听呀！

楚雲：【哭相思】呀……罢了，苍天！

子年：【禅院钟声】盲人抱怨，丈人实太尖酸。悲歌意乱，伤心空叹目盲莫见天，于今经已月缺难圆，无言。红颜绿鬓偷自怨，佢为檀郎暗牵。我芳心已倦，怎得天复见，我弹筝空诉愿，断了相思线，自叹惹下情爱缠绵。此生休再玉箫戏凤鸾，荼薇化春烟，韶华似飞箭，残破此生寒灰一串。便是翠绕春光，任它变迁、任它变迁，修得再世愿。情天那边、情天那边，思忆并头莲。

楚雲：【滚花下句】唉！听琴音，知彼意，真怕佢低头无语，我更心似油煎。无可奈，强欢容，唯有解慰一番，亲把玄霜奉献。【口白】年哥，年哥！做乜你唔睬我呢？你乖乖哋饮咗碗药先啦。年哥！

子年：（白：唔饮哩！）[摔药碗介]

楚雲：（白：年哥，我又冇对你唔住？嚸解你要噉对我呢？）

子年：（白：阿雲妹，你原谅我啦。我唔会好㗎啦，你唔好咁对我好唔好呀你？）

子年：【泣残红】玉人为我痴心盼团圆，难圆。婚姻呀都未变迁，我细弹玉筝似怀念，妹因我，就误华年。唯有暗自里悲酸，妹呀你若嫁此盲人，定抱终身怨。不该抗令尊，嗱，应该嫁大川，你莫为我打算【二簧下句】何苦你就甘违父命，痴恋哩个盲目嘅少年。叹一载篱下寄人，常累了阿娇，不浅。

楚雲：【反线中板下句】我不怪你语伤悲，只怪你情太薄，又何必对我，尖酸。若果我爱新欢，

子年：（攝白：噉唔喺好囖，你去嫁啦）

楚雲：不念旧人愁，更何苦作离巢，飞燕。

子年：（攝白：我唔怪你）

楚雲：郎是既无情，奴当守义，誓不负先母，遗言。【滚花】老父对侬厌恶为失明，亦无非为我终身幸福起见。

子年：【快中板下句】哼！从来不惯，受人怜。丈夫岂甘，人厌贱。情关骨肉，理所当然。【滚花】慧剑一挥，我宁愿向天涯去远。

楚雲：【口白】唉吔！

子年：【口白】咪掹住我！

楚雲：【口白】年哥，年哥你去边？

子年：【口白】唉吔！

楚雲：【口白】唉吔！，有冇撞嚫你呀？

子年：【口白】你咪喐——

楚雲：【口白】做乜呀？

子年：【口白】我只眼好似睇到嘢……你件衫喺咪宫粉红色咖？

楚雲：【口白】啊！喺呀！

子年：【口白】你只耳环喺咪彩色咖？

楚雲：【口白】啊！喺呀！

子年：【口白】我见到嚹，雲妹！

楚雲：【口白】啊，噉真喺安乐晒囉！年哥，你双眼真喺睇见嘢啦！

子年：【口白】我好番啦！

楚雲：【口白】我谢天谢地囉！【杨翠喜】不枉朝朝暮拜，叩苍天，云雾拨开、拨开，重见那月团圆，中了淡扫娥眉愿。

子年：眼见雲英偷呀偷笑呀，意呀意可坚，真心相爱就长作伴。有情、有情梦也牵，鸳鸯不变。长住乐园里，共结白头缘，妹你、妹你如月中仙。

楚雲：君也、君也貌翩翩，锦绣才华自有知音见，永心相爱怜。

子年：唉吔小姐呀，感恩深似、似再天，睁开了眼，见你玉容更娇艳。

合唱：好似为情并翅来，嗱，望下对梁上燕，燕归天。

子年：【花下句】我此日光明重睹，更喜花好月圆。