南音《客途秋恨 》（上) 新馬師曾 附曲詞

清嘉慶學者纓艮原創，道光葉瑞伯重編

新馬師曾

【南音】

凉风有信，秋月无边。

亏我思娇情绪，好比度日如年。

小生缪謹，係莲仙字，

为忆多情嘅妓女呀，個位麦氏秋娟。

见佢声色與共性情，堪我赞羡，

佢仲更兼才貌，仲两相全。

今日天隔一方，與佢难见面，

是以孤舟岑寂，對住晚景凉天。

睇下夕阳照住，仲有對双飞燕，

睇我独倚蓬窗，我仲思悄然。

耳畔听得秋声桐叶落，又只见平桥衰柳锁住寒烟。

我呢种情绪悲秋同宋玉，况且在客途抱恨你话对乜谁言。

正係舊約難如潮有信，新愁深似海無邊，

第一觸景更添情懊惱，

睇我懷人愁對呢個月華圓

记得青楼邂逅嗰一晚中秋夜，

我共佢并肩携手拜月婵娟，

我亦记不尽，记不尽许多情与义，

總係缠绵相爱，又复相怜。

姐啊，共你肝胆情投将有两个月，

又点想同群催趲叫我整归鞭。

嗰陣几回眷恋，共你难分舍，

都只为缘悭两個字，共你拆散离鸾，

嗰阵泪洒西风红豆树，情牵古道白榆天。

嬌呀，你杯酒临歧同我饯别，在嗰处望江楼上设离筵。

你仲牵衣致嘱个段衷情话，叫我要存终始两心坚。

今日言犹在耳成虚负，屈指如今又隔年。

自古話好事多磨正係從古道，半由人力半由天，

是以風塵閱歷崎嶇苦，在雞群混跡，暫且從權

恨我請纓未遂，忠君志

在試馬難揚祖逖鞭，只學得龜年歌調唐宮譜

游戲文章賤賣錢，只望裴航玉杵共你諧心愿

藍橋踐約去訪神仙，廣寒宮殿無關鎖，

何愁好月不團圓，又點想蒼冥鼎沸，鯨鯢變，

嗰啲妖氣漫海動烽煙，是以關山咫尺，今日成千里，

縱有雁扎魚書，縱杳然

近日听得话有羽书驰谍报，

又话干戈撩乱，扰嘅江村。

嗰陣昆山玉石也遭焚毁，好似避秦男女入桃源。

嬌啊你紅顏命薄，定會招天妒，

縱有賊星來犯，你個月中仙

娇花若被狂风损，玉容无主你话倩乜谁怜。

又怕幽兰不肯受污泥染，你一定拼送香魂玉化烟。

若然艳质系遭凶暴，我宁愿同埋白骨去伴姐妆前。

或者死后得成连理树，好过生时常在奈何天。

慈航法力行方便，杨枝甘露救出火坑莲。

等你劫难逢凶俱化吉，果啲灾星魔障两不相牵。

亏我心似辘轳千百转

空绻恋，娇呀但得你平安我就如愿，

任得你天边明月，照向别人圆。