日常练习~打电话比个客

日常练习

女:Henry,你架PDA又响喇               男:哦,系喔,够钟打电话去美国复返个客先

女:你仲未走得呀？男:我得架喇,我复埋个电话得架喇,你等多我一阵呀。啊...Miki呀,你过两日返英国啰呵？

女:系呀,唔舍得我呀?                     男:少少咁啦...你走咗冇人畀我笑啊嘛

女:咦~鲠啊              男:唔好打唔好打,Miki,其实,你今日都lastday,我仲要你开OT喔,其实几唔好意思嘅

女:你以家先唔好意思呀?我成个暑假畀晒你呀,差唔多日日都同你OT,见你仲多过见我D Friend呀,我嬲呀

男:啊...系啰,所以...我见你咁帮得手啦,加上...你又就嚟走,呀，你睇下,买咗D嘢畀你喔,你睇下钟唔钟意啊

女:有嘢送?咁都好D...哇好大份喔,FEEL落好似T喔,车~真系T,咁易估...咩piece先...I LOVE Hong Kong?!好cheap 呀你

男:咩呀...I LOVE Hong Kong好cheap咩?唔系呀, HongKong一D都唔cheap,加上我谂住,你呢D ABC嚟架嘛，咁钟意 呢D架嘛,系咪？其实你睇真件T,就唔系写住ILOVE Hong Kong,系I LOVE H K

女:有咩分别呀?             男:有架...well...you know...my name is Henry Ku

女:I LOVE HENRY...咦,我唔会讲落去呀,费事益咗你          男:啊...其实你记住着就得架喇

女:我拎嚟抹台呀,我有D嘢想问你架                      男:嗯?

女:你日日同我一齐OT,又关心我,又送嘢畀我咁,你..你系咪钟意咗我?

男:哇,哇哇哇哇系....咁直接我唔识答架喎

女:you know~我呢件外国返嚟嘅ABC系咁架啦       男:啊..其实呢，我一直都觉得你...好似我家姐嘅...呵呵呵

女:你D笑越嚟越唔好笑喇

男:嗯！都够钟啰,Miki而家应该喺飞机上面,所有嘢,都应该可以告一段落,或者,留低个美好回忆都好嘅

男:喂?你仲未上机嘅咩?

女:我差唔多入闸喇,上机前谂住同你讲声byebye 咋嘛,同埋,我Msn 咗我个英国电话畀你呀,唔知啊,你有时间打畀我啰                                             男:哦,好啊好啊

女:其实...你有冇嘢要同我讲架？                    男:啊...我想..我想同你讲...啊...你样样嘢小心D啦哈

女:咁好啦,Byebye                                 男:Byebye

男:喂?喂?Miki?                                   女:咦？Henry?咁好打畀我呀？

男:啊..我咁讲可能好突然啊,但系                    女:咦,你架PDA又响了喔,又够钟做咩呀?

男:唔系PDA呀,呢个系真嘅钟声嚟架,我嚟咗英国啦,我而家喺大笨钟下面,我有D嘢,想亲自同你讲