广播特辑 上海话900句(27) 邀请(2)

广播特辑 上海话900句(27)邀请(2)

上海话：我邪气开心侬邀请我参加今朝个聚会，谢谢侬，搿个真是难得个聚会，大家介长辰光呒没碰头了。  
普通话：我非常开心你邀请我参加今天的聚会，谢谢你，这个真是难得的聚会，大家很长时间没有碰头了。

上海话：阿拉一道去看电影好伐，今朝辣嗨放“罗曼蒂克消亡史”，新拍个电影，听讲蛮好看个。  
普通话：我们一起去看电影好吗，今天在放“罗曼蒂克消亡史”，新拍的电影，听说非常好看。

上海话：侬个项链老嗲个，弹眼落睛个，回头率瞎高，当心安全哦。  
普通话：你的项链非常漂亮，非常吸引人眼球，回头率非常高，当心安全哦。

上海话：侬今朝个表现一只鼎，真个是顶脱了，呒没闲话讲了。  
普通话：你今天的表现很棒，真的是棒极了，好得没话可说。

上海话：幸亏搿趟有娜帮忙，勿然介我一家头弄，真个勿晓得会弄成哪能副腔调。  
普通话：幸亏这次有你们帮忙，要不然我一个人弄，真的不知道会弄成什么样子。

上海话：侬今朝穿个衣裳老克勒个，辣辣高头一立，胸一停，卖相瞎好！打倒一大批人哦！  
普通话：你今天穿的衣服非常考究，在上面一站，胸一停，样子非常好！迷倒了一大批人！

上海话：侬只长波浪噱头好个，我也要去做，跟牢侬就是跟牢潮流。  
普通话：侬的长波浪发型噱头好，我也要去做，跟住你就是跟住了潮流。

上海话：扁头，侬今朝哪能心想介好，跑到阿拉搿搭来了，侬勿是一看到阿拉就觉着触气嘛？今朝吃错药了？  
普通话：扁头，你今天怎么心情这么好，跑到我们这里来了，你不是一看到我们就觉着恶心嘛？今天神经出毛病了？

上海话：人是要打扮打扮，侬今朝老好看个，大家侪认勿出侬了。  
普通话：人是要打扮打扮，你今天好漂亮，大家都认不出你了。

上海话：侬个英文刚了交关好。  
普通话：你的英语讲得真好。

上海话：哦哟，侬覅嘲我睐，瞎讲有啥讲头啦。  
普通话：哦哟，你就不要嘲弄我睐，乱说有啥意思啦。

上海话：侬个口才也老好个，简直是出口成章，一句闲话就拿埃个记者咄瘪脱（dok bik tak）。  
普通话：你的口才也非常好，简直是出口成章，只一句话就把那个个记者说得哑口无言。

上海话：侬真个勿得了，绝对是个人才，平常呒没看出来。  
普通话：侬真地很来不起，绝对是个人才，平时没有看出来。

上海话：扁头平常是只老牛逼，阿乌卵冒充金刚钻，浪头大得了要死，一眼浪花也呒没。  
普通话：扁头平常是牛逼哄哄地，打肿脸充胖子，嘴巴上头头是道，没有一件事情是落到实处的。

上海话：下趟聚会让我来安排，我也要出出力娜讲对伐？勿好老是让娜坏分。  
普通话：下次聚会让我来安排，我也要出出力你们讲对不对？不能一直让你们破费。

上海话：勿搭界个，开销勿是个问题，关键要大家开心，钞票摆辣嗨又勿好带到棺材里去，侬讲对勿对。
普通话：没有关系的，开销不是个问题，关键要大家开心，钱放着人死的时候又不能带走，你讲对不对。

上海话：我呒没想到侬邀请了介许多人伊讲，介大只场子勿容易个啊。 （伊讲 = 居然） 
普通话：我没有想到你居然邀请了这么多人，这么大的场子不容易的啊。

上海话：侬放心好了，伊邀请个侪是大亨浪头，挨勿到阿拉迭排里小叭辣子。
普通话：你不用操心，伊邀请的都是有头有脸的大人物，轮不到我们这种小老百姓。

上海话：伊拉下个月头举行婚礼，罚款单已经发拨阿拉了。  
普通话：他们下个月举行婚礼，婚礼请帖已经发给我们了。

上海话：迭个月头大出血，吃了五家喜酒，已经变成脱底棺材了。 
普通话：这个月开销好大，吃了五家喜酒，口袋里已经没有钱了。 

上海话：侬哪能想到来看我个啦，我想也勿需要想就晓得侬勿会得有啥个好事体。  
普通话：你怎么想到来看我的呢，我想也不需要想就知道你不会有什么好事体。  

上海话：侬哪能又是一只射污射勿出个面孔啦？啥人又惹侬了啦？  
普通话：你怎么又是一脸委屈相？谁又惹你了？

上海话：侬其他人侪邀请了，光伊呒没邀请，搿恁介好像勿大好伐？  
普通话：你其他人都邀请了，光他没有邀请到，这样好像不太好吧？

上海话：其他人侬勿邀请侪呒没啥关系，但侬个师傅一定要请，否则人家背后闲话难听来兮个。  
普通话：其他人你不邀请都没有什么关系，但你的师傅一定要请，否则人家背后的话难听得很。

上海话：侬叫我去我就去，侬勿叫我我就勿去，无所谓个，介顶真做啥啦。  
普通话：你叫我去我就去，你不叫我我就不去，无所谓的，何必如此较真。