LESSON 4-1

香港點解叫作購物天堂㗎？自由港咯，除煙酒之外，乜嘢都唔使打税，咁啲嘢就平，款式就多咁嘅，無論係香港定係九龍，地鐵沿線就係最好嘅購物導圖。去香港買嘢，首選中環，而中環嘅檔次一般高過九龍，如果要睇睇世界知名時裝品牌，唔少得去下置地廣場，置地廣場雖然經已有點歷史，但係進駐嗰度好多都係品牌嘅旗艦店。行完中環，去下銅鑼灣嘅時代廣場都好，九龍就係油尖旺區，油係油麻地，尖係尖沙咀，旺係旺角，嗰度乜都有得買，乜嘢價錢都有得傾，不過千祈唔好去做水魚，特別係油旺區，劏客事件屢屢發生，點樣先唔會中招，好多時都係常識範圍，諗住買乜要做足功課啊，財不向外露啊