谚语故事《孟母三迁》

《三字经》里讲:“昔孟母，择邻处。子唔学，断机杼。”

孟母系边个啊？就系古代战国时期孟子嘅妈妈！孟子系个大学问家，今时今日嘅人仲记得佢，多得佢妈妈！据说，孟子细个嗰阵，最先系住喺墓地旁边，经常同小朋友玩办理丧事嘅游戏，学大人跪拜、哭叫嘅样。正一好嘅唔好，学埋晒啲衰野，所以孟母觉得嗰个地方唔适合畀仔仔居住，于是乎带住孟子搬到市集隔离。到咗市集，孟子又同邻居家嘅细路学起商人做生意嘅样，一阵鞠躬欢迎人客，一阵同人客讨价还价。孟母仲系觉得咁样唔好，于是又搬到咗学校附近。孟子呢个时候先开始中意读书，变得守秩序、懂礼貌。呢个时候，孟母满意咁讲:“呢度先系小朋友适合居住嘅地方!”