粤读OS进阶3：阿茂整饼——冇嗰样整嗰样

大家好，我係雪梨！

广州海珠区有间细细嘅饼店，叫做“阿茂整饼”。哩个名唔係随便起个噃，佢有个典故，喺当时嘅广州可谓人尽皆知。

话说民国初年，广州好出名嘅酒家莲香楼请咗一位整饼师傅，叫区茂，人称阿茂。佢份人老实又勤力，每次茶市就收嘅时候，佢见到好多客人打包买走啲老婆饼啊，皮蛋酥啊咁，就嗱嗱临喐手整饼，边啲特别好卖或者卖晒嘅 就整边样，十分受客人赞赏。就因为咁，有咗“阿茂整饼——冇嗰样整嗰样”哩句赞阿茂嘅歇后语啦。

不过后来唔知点解，哩句话传传下变咗唔係用嚟赞人，反而係话人冇事搵事嚟搞，多此一举，画蛇添足喔。例如“原先份PPT简洁顺眼，你就係都要加多几张图上去，搞到而家花呢花绿，真係阿茂整饼——冇嗰样整嗰样”。

不过畀人话“阿茂整饼”嗰个人心入面一定唔好受啦，係咪？好了，今期内容就咁多，感谢你嘅关注，下期再见！
----------------------------------------------------------
为方便粤读及篇幅原因，【粤读进阶】的普通话版本会发在公众号“画外音停不下来”。

公众号“画外音停不下来”同步推送语音文字消息。如有任何关于广东话的疑问，欢迎在后台给我留言(*^__^*)