为什么是陶渊明

各位好啊，太耐无更新了，最近广州哩边横风横雨系屋企无乜野噶，抽起条筋想吹下水。

咁一睇到哩个题目，就知道我地今日嘅话题系关于陶渊明了。

我地中国人历来对陶渊明嘅评价都好高，比如现代美学家朱光潜就讲过：“可以同陶渊明比嘅，前只有屈原，后只有杜甫。”你看，连我地整日听到嘅李白都没资格同距比。而宋代嘅苏东坡就讲得更加过分，距就话，陶渊明哩个人，李白杜甫都比唔上，所谓“李杜诸人莫及。”你睇下，黎到哩度连杜甫都没埋资格了。

不过，哩件事也都可以深究一下，我地整日都讲一句说话“文无第一，武无第二”，诗人就系比文章，咁凭乜陶渊明嘅诗就咁好呢？哩个标准又系边个定噶？

又系个句熟悉嘅说话啊，最近，我留意到一本书，叫《尘几录》，尘系灰尘的尘，几系数学几何嘅几，睇过之后，我对哩件事有左新嘅理解。

入面就讲到，陶渊明嘅诗，并唔系一直都有咁高嘅地位，而系到左特定年代，读者先张距嘅地位捧得咁高噶。

陶渊明身后，姐系南北朝时期出现左两部 文论经典，一本叫《诗品》，一本叫《文心雕龙》。《文心雕龙》对陶渊明只字未提，而《诗品》就提左一笔，但亦都只系张陶渊明嘅诗，列为“中品”，评价一般般，如果系班上顶多算系个B级，根本就唔系D乜三好学生。

到左唐代，陶渊明也仅仅系 六朝众多 的著名诗人之一，说到田园诗，你陶渊明系唔错，不过边个更加受欢迎呢？唔系你，而系谢灵运。而且谢灵运系压倒性嘅胜利。李白更加系谢灵运嘅忠实fans。直到杜甫出现，才把陶渊明和谢灵运并称为“陶谢”。

咁陶渊明的地位，是乜时候先变得咁高嘅呢？系系宋代。

宋代有左印刷术，好多原本流传嘅野都需要严格审核之后再出版，所以宋代嘅知识分子，就有左一项隐性的权力，就系系众多流传嘅诗文版本入面，选自己中意嘅版本，甚至有D字句，还自己出笔改埋。从某种程度上讲，陶渊明好多靓诗，其实就系被宋代D知识分子咁选出黎，甚至系改出黎。

书入面有个例子了，比如陶渊明最著名个首诗：“采菊东篱下，悠然见南山。”哩句诗流传到宋代个阵，其实有两个版本，一个系“悠然望南山”，另一个先系“悠然见南山”。时隔久远，大家都唔知道边个先系正确，边个先系陶渊明当时嘅版本。

哩个时候就出现一个大人物了，就系苏东坡。苏东坡就话了，仲洗问嘅乜，一定系“见”字了。点解呢？因为“见”系个通假字，有两层意思：一层系“看见”嘅“见”、还有一层系“出现”嘅“现”。

用哩个字嘅好处在于。陶渊明采菊之时，南山不经意出现系距嘅视野。一座系真实嘅高峰，另一座系精神嘅高峰，两者不期而遇。所以“见”字先更符合陶渊明嘅境界。而望南山，意境就差D意思了。

所以你睇，苏东坡系哩个过程入面，唔单只系审批者，其实距自己都参与埋制作噶。我地今日睇到陶渊明嘅诗，就系咁一步步经过好多知识分子咁改出黎噶，改下改下，诗就越改越靓，陶渊明嘅地位就越黎越高。

咁下一个问题又黎了，点解宋代嘅人，都愿意改陶渊明嘅诗呢？换句话讲就系，陶渊明一定系做岩左D乜野，才会令后人愿意系距嘅诗句上面花功夫，又帮距改，帮距删，帮距推广等等。

所以你睇，黎个问题问黎问去又翻翻黎了。陶渊明被高度评价，肯定有陶渊明自己嘅原因嘅，只不过，未必系文学上嘅原因。咁哩个原因系乜呢？陶渊明到底又做岩左D乜啊？

我地提起陶渊明哩个人，脑入面往往会弹出一个词，就系“隐士”，距写嘅诗，什么“不愿为五斗米折腰”“田园将芜胡不归”“归去来兮辞”等等，都强化左距隐士哩个人物设定。他唔愿意做官，愿意归隐田园，哩个系对中国古代只是分子特别有魅力嘅一个行为方式。陶渊明就系因为成为哩种行为方式嘅代表人物，先被后世认可嘅。

但系问题又黎了，既然你作为一个隐士，咁你自己迷埋就算了，所谓“苟全性命于乱世，不求闻达于诸侯”。既然你贪图个D虚名，唔要世俗嘅成功，唔愿意比其他人知，你写咁多诗比人睇，你又系度搞D乜啊？

我地要知道，个个时代，无微博，无朋友圈，连印刷术都无，一个诗人要想大规模保留自己嘅诗作，系好难噶。

而陶渊明保存至今嘅诗文还有七卷咁多，文体仲好齐全。乜野四言诗，五言诗，辞赋，记，传，祭文等等。如果唔系自己刻意咁保存，传扬，系绝对无可能做到噶。你又唔系D乜达官显贵，你只系个隐士咋嘛。咁陶渊明有咁多野保存落黎，而且系专登，咁距仲系真正意义上嘅隐士吗？

比如，陶渊明有一个阿叔，叫陶淡。一世都无结婚，住系山入面。如果有人黎睇距，距都迷埋唔见人。除此之外，我地对距一无所知。我地系唔系觉得？咁先叫隐士呢？而当其时好多隐士，其实都系咁噶。

打断一下，今日讲哩个问题，唔系系度质疑陶渊明归隐田园嘅诚意。事实上距真系就咁过一生，距系一位好虔诚嘅隐士。而我系想讲另外一个方面，我地人应该点样表达一种主张。

你睇下，当时好多人选择隐士哩种生活方式，其实系对世俗生活方式嘅一种反抗。距地内心系有潜台词噶：“你地赚钱，你地做官，你地做D违背良心嘅事，你地组擦鞋仔，而我同你地唔一样，我高风亮节，所以我归隐田园。”哩个其实系好多隐士嘅内心戏。所以距地嘅行动方式，就系我迷埋唔见人，默默无闻，同边个都唔打交道。

但问题系，距地行为上似隐士，实际只系以反抗嘅方式生活系世俗当中。

咁讲你地可能唔明，举个例子你就明了。比如一对情侣分左手，只要彼此之间仲有恨意，其实距地唔系唔爱对方，只系用另一种相反嘅方式去爱。真正嘅唔爱，系索性唔记得有哩条友嘅存在啊。

好了，明白左哩个道理，我地再哩睇下陶渊明系点做嘅。

距唔系反抗D乜野，而系真系沉醉系隐居嘅田园生活当中。你睇下距写嘅诗“田园将芜胡不归”。意思就系我屋企D地种嘅野都死晒了，系时候又要翻屋企种地。距好似发朋友圈咁，通过诗文，张自己归隐后嘅生活好似拍纪录片咁记录系一齐。

比如话陶渊明虽然归隐，不过唔系系深山，而系离市区无几远嘅姐，所以我地整日听到嘅个首诗就黎了“结庐在人境，而无车马喧”。

咁平时就做D乜呢？陶渊明就话自己唔出门，就会系度安静咁发殴斗，咁距又写到“白日掩柴扉，虚室绝尘想。”

而见人个阵，倾几句计，都系关于种田嘅事，咁距又写到“相见无杂言，但道桑麻长”

陶渊明仲好中意晒自己嘅儿，距五十岁个阵写左首诗，粤语我真系唔识读，大概内容就话我大仔都16岁了，最憎就系读书；二仔十五岁，全世界最懒就系距；老三老四十三岁，连1~10都未识数；老五九岁，就系识食。咁嘅题材距就咁写落诗入面，同我地今日D师奶发朋友圈晒自己嘅仔，心情系一模一样噶。

咁样嘅陶渊明，我地先可以讲，距真系中意归隐之后嘅生活。就算生活都再不如意，距都可以通过写诗，张一件件事记录落黎，张情绪表达出黎。而系历史上咁样做嘅归隐诗人，陶渊明系第一位，亦都系做得最好嘅一位。

讲到哩度，我地就可以回答一开始提出嘅个个问题了：点解系陶渊明被后世高度评价呢？被宋代嘅人反复美化、传扬距嘅文章呢？

因为陶渊明嘅隐居生活，唔系建立系反抗嘅基础上，而系距本身就乐在其中。

陶渊明嘅行为方式，话比我地听，如果你真系中意D乜，咁就张距嘅魅力，呈现比其他人睇。睇到足够多嘅细节，咁做，就已经够了。

好了，今次就讲到哩度。