早晨,你好。
我好中意听罗辑思维嘅节目,
我最近听咗一个音频,
呢个音频讲咗精英教育嘅本质,
我觉得佢嘅谂法几有意思,
所以想分享俾你。
如果你有兴趣嘅话就继续听落去啦。
一讲到中国嘅教育制度,
好多人嘅脑入面就会出现应试教育呢四个字,
觉得佢系填鸭式嘅教育,
成日叫啲学生死记硬背,
学习强度又大,
完全剥夺咗细路仔学习嘅兴趣,
亦都扼杀咗细路仔嘅创造力。
好多人觉得中国教育应该向素质教育发展,
但系其实只要教育仲系一种选拔机制,
咁素质教育都会变成一种恶性竞争。
美国点解要搞素质教育?
一部分嘅原因系为咗将家庭条件好嘅学生筛选出嚟。
例如有一个阶段,
美国常春藤学校要求要考拉丁文同希腊语。
点解?
因为美国嘅公立学校唔教呢种语言,
只有上私立学校嘅学生先学。
美国加州排名第一嘅高中,
叫惠特尼高中。
有一个记者去咗呢间学校做卧底,
后嚟写咗一本书,
叫《美国最好嘅中学系点样嘅》
佢嘅书提到咗一个数字,4,
乜嘢意思?
四个钟嘅睡眠,
四杯拿铁咖啡,
4.0嘅GPA成绩。
4.0嘅GPA成绩系最好嘅成绩,
为咗达到呢个成绩,
学生每日只系可以训四个钟头,
眼训就饮四杯拿铁咖啡。
呢间学校为咗培养出优秀嘅学生,
拣咗同中国类似嘅教育模式:
高压力下嘅高强度学习。
精英教育嘅精神系乜嘢?
就系高期待下高强度嘅学习。
精英教育嘅目的系乜嘢?
通过高强度、高期待嘅训练,
提升学生承担社会责任嘅能力,
将佢哋培养成肩负重任嘅领导者。
其实呢个亦都符合我哋嘅常识,
要喺激烈嘅社会竞争之中胜出,
必须要吃苦,
呢个系历史久远嘅朴素道理。
有一个关于教育嘅笑话,
有一个成年人问一个钢琴家,
我宜家学钢琴仲嚟唔嚟得切啊?
钢琴家话,嚟唔切啦。
成年人话,点解啊?系唔系因为我嘅手指已经硬晒?
钢琴家话,唔系。系因为你妈妈已经打唔过你,
唔可以强迫你练钢琴啦。
如果你中意我嘅文章,欢迎订阅我嘅微信公众号“我要学广东话”。
主播你的声音真好听。还有字幕。还是粤语版。谢谢你。
这个语速很好!支持!
筛sai1,非saai1
小草粤语 回复 @蓝月粤语教学公会: 那就是我的口音问题了
字幕怎么没有啊
我好仲意你嘅朗读!!