慢速粤语听力：谁才是《红楼梦》里的女主角？

我很喜欢看《红楼梦》，

最近听了一个关于《红楼梦》的音频，

讲到林黛玉同薛宝钗边个先系真正嘅女主角，

作者认为林妹妹先系女主角，

我觉得佢嘅见解好有意思，

如果你想知道点解，就继续听落去啦。

下面我会用广东话复述呢位作者嘅睇法。

如果你睇过《红楼梦》，

你就会发现入面冇一个完美嘅人，

所有人都有善恶两面，

就连林黛玉同薛宝钗呢两个女仔都系咁样。

下面我哋嚟睇下两个女仔有乜嘢唔同。

作者话林妹妹聪明清秀、人格清洁，

所以林妹妹好识写诗。

但系同时佢好敏感，讲话好尖酸刻薄。

宝姐姐容貌丰美、品格端方。

佢生得好靓、情商高、才情高、为人宽厚。

但系佢心机好重。

林妹妹最关注嘅系自己同内心嘅关系，

而宝姐姐最关注嘅系自己同外部世界嘅关系。

佢哋两个都中意织嘢同整荷包，

但系林妹妹最中意将自己整嘅嘢剪烂，

好似只要宝玉同黛玉嘈架，

黛玉就会将自己送俾宝玉嘅嘢剪烂。

但系咁样做，其实对佢一点好处都冇，

唯一嘅结果系将自己逼到一啲退路都冇。

而宝钗就中意织嘢，

宝钗一年四季都会织啲嘢送俾大观园嘅其他女仔，

知道黛玉剪咗自己送俾宝玉嘅嘢，

佢就叫人帮宝玉织翻好。

就连宝玉嘅丫鬟都同宝钗嘅关系好好。

黛玉一直喺度剪断各种嘅关系，

而宝钗就一直喺度编织各种嘅关系。

宝钗咁识经营关系，但系喺宝玉生日嗰日，

佢抽中咗牡丹花签，

上面配嘅诗系，“任是无情也动人。”

呢个就系作者俾宝钗嘅人设。

宝钗编织关系系因为功利嘅原因，

而唔系因为真情。

宝玉嘅人生哲学，系亲天然，去功利，

但系宝钗就劝佢行经济仕途嘅路。

唯有黛玉，从来都冇咁劝过佢，

所以宝钗同宝玉之间有价值观嘅隔膜，

而宝玉更加敬重黛玉嘅价值观。

咁样你就可以睇出黛玉同宝钗喺宝玉心入面嘅位置啦。

最后我哋可以睇下《红楼梦》嘅第一回。

绛珠仙子要下世还泪嗰时，

有咁样两句话。

“因此一事，就勾出多少风流冤家来。陪佢哋去了结此案。”

呢个就系作者本来嘅意图，

《红楼梦》系还泪证情嘅故事，

主角系宝玉同黛玉，

其他嘅人，都系配角。

如果你中意我嘅文章，欢迎关注我嘅微信公众号“我要学广东话”。