小蓓蕾组合 - 弹弹唱唱ABC (粤语儿歌)

1)落雨大

落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排。排排都有十二粒 粒粒都系解放牌。

2)排排坐

排排坐，吃果果，猫衣（小猫）担凳比姑婆坐，坐烂个屎忽（屁股），唔好（不要）赖我，赖番隔离（旁边）个二叔婆

3)捉大贼

点指兵兵，点指贼贼，点着谁人做大兵，点着谁人做大贼。

4)跳橡筋

董存瑞，十八岁，为国牺牲炸堡垒，炸到堡垒咯咯脆，全国人民流眼泪。

5)月光光

月光光，照地堂，年三晚，摘槟榔，槟榔香，摘紫姜，紫姜辣，买胡辣，

胡辣苦，买猪肚，猪肚肥，买牛皮，牛皮薄，买菱角，菱角尖，买马鞭，

马鞭长，买屋梁，屋梁高，买张刀，刀切菜，买箩盖，箩盖圆，买纸船，

船沉底，浸死嗰班番鬼仔！

6)点虫虫

点虫虫，虫虫飞，飞到荔枝基，荔枝熟，摘满屋，屋满红，陪住个细蚊公（小孩）。

7)凼凼转

凼凼转，菊花圆，炒米饼，糯米团，阿妈叫我睇（看）龙船，我唔睇，睇鸡仔，

鸡仔大，摞（拿）去卖，卖得几多钱？卖得三百六十五个仙。

8)猜呈沉

呈沉剪，呈沉包，呈沉糯米叉烧包。老鼠唔食香口胶，要食豆沙包。

9)骑牛牛

骑牛牛，牛牛走，牛牛响（在）前咪（不要）回头，若然回头就打箩柚（屁股）。

10)掟砖头

掟砖头，斗大够，一掟掟到西门口，溅起浪花抛浪头。

11)劈友

劈友，劈友，快嘀（点）走，走得快，好世界，走得磨（慢），无鼻哥（鼻子）。

12)咕碌咕碌

咕碌咕碌一，咕碌咕碌二，咕碌咕碌三，准备开炮打敌人！

13)拍大骳（大腿）

拍大骳，唱山歌，人人话我无老婆，嘀起心肝（下决心）娶返个，有钱娶个娇娇女，

无钱娶个豆皮婆，豆皮婆，食饭食得多，屙（拉）屎屙两箩，屙尿冲大海，屙屁打铜锣。

14)暧姑乖

嗳姑乖 ,嗳姑乖 ,嗳大阿姑乖要嫁后街.后街有 D乜野卖, 有 D鲜鱼鲜肉卖

重有鲜花戴 ,戴唔哂,落床头俾老鼠拉 ,拉去边 ,拉去大新街.

15)鸡公仔

鸡公仔，尾弯弯，做人新抱甚艰难！早早起身都话晏，眼泪唔乾入下间，

下间有个冬瓜仔，问安人老爷煮定蒸，

安人又话煮，老爷又话蒸，蒸蒸煮煮唔中安人老爷意，

大把拉盐又话淡，手甲挑盐又话咸，三朝打烂三条夹木棍，四朝跪烂四条裙！

咁好花裙俾你跪烂，咁好石头俾你跪崩！ 横又难，直又难， 不如舍命落阴间！

人话阴间条路好，我话阴间条路好艰难！

16)大食懒

大食懒，起身晏； 洗冷水，食冷饭。

17)收买佬

收买烂铜烂铁,收买旧报纸 ,收买烂铜烂铁,收买旧报纸

旧报纸呀堆满屋,旧仔呀摆满厅,旧衬衫呀塞满房,问阿妈呀点算好

旧也好 新也好.旧与新都可变宝.卖了它即可变钱.若要钱搵收卖佬

收卖佬天天上路,没理风吹兼雨打 ,一买一收一世乐,旧也好呀新也好

卖了旧报纸买当当糖,卖了旧仔买甘草榄,收买佬天天上路,旧也好他都当宝

18)阿公公

阿公仔,须扒扒,你饮酒,我饮茶,茶苦唔好食,酒醉唔好饮,我们快去外面玩泥沙.

19)

1234567，肥婆跳舞跳数第一,丑丑丑，丑甩个耳仔送烧酒.

猪头丙，扮老醒，其实唔值个斗拧

肥腾腾，买旧猪肉去拜神,以为佢好醒，原来系个猪头丙；

以为佢好Fit，原来系个大水瀄.

20)斩料，斩料，斩嚿大叉烧。油鸡卤味样样都要，斩嚿大叉烧，哗！

21)打开蚊帐打开蚊帐，有只蚊，有只蚊,快0的罗个拍来，快0的罗个拍来,拍晕拒、拍晕拒。