宁波老话童谣

本来要打千千万万记, 现在功夫来不及, 马马虎虎打三记, 一、二、三 山里有只老虎， 老虎要咬人， 关辣笼子里。 笼子坏脱， 老虎逃脱， 逃到北京， 买包糖精， 缺子变做活生精。
正月嘎瓜子，二月放鹞子， 三月上坟带银子，四月种田下秧子， 五月白糖温粽子，六月朝天扇扇子， 七月西瓜吃心子，八月月饼嵌馅子， 九月钓红夹柿子，十月沙泥炒栗子， 十一月落雪子，十二月冻煞叫花子。
拖鼻头 拖鼻头，牵黄牛，一牵牵到妈妈踏床头。 帐子裢开六盆头：一盆花生，一盆豆， 一盆莆齐，一盆藕，一盆水鸡炒带豆， 一盆白片温酱油。
囡囡宝，侬要啥人抱？我要阿爷抱。阿爷嗤嗤困晏胶。囡囡宝，侬要啥人抱？我要阿娘抱。阿娘腰骨伛勿倒。囡囡宝，侬要啥人抱？我要阿爸抱。阿爸出门赚元宝。囡囡宝，侬要啥人抱？我要阿姆抱。阿姆纺花做棉袄。囡囡宝，侬要啥人抱？我要阿叔抱。阿叔劈柴磨柴刀。囡囡宝，侬要啥人抱？我要阿姑抱。阿姑出嫁就要到。囡囡宝，侬要啥人抱？我要阿哥抱。阿哥读书做文章。囡囡宝，派来派弃呒人抱，鞋是自介走走好。