适合粤语朗诵的诗歌

适合粤语朗诵的诗歌如下：

1、咏“苏武”： 麒麟犽乍后生哥，磨利张刀去讲和。 狗屁檄文攻鼻辣，龙头拐杖甩毛多。既然饮奶都能饱，使乜吞冰得咁傻。 精仔亚陵唔识趣，偏偏提起个番婆。

2、咏秦二世： 够之大瘾火麒麟，呢件龙袍重几新。 未必乖哥唔识鹿，果然太监系阉鹑。一堂鼻涕真衰仔，二世头衔咁吓人。 点估江山全送嗮，亡秦应晌亚胡身。

3、咏范增： 老猫烧剩几条须，悔恨当年眼冇珠。 湿水马骝唔过玩，烂泥菩萨点能扶。明知屎计专兜笃，重想孤番再杀铺。 一自鸿门佢错过，神仙有篾亦难箍。

4、咏严光： 钓鱼钓得咁沙尘，褛块羊皮重几斤。 皇帝孖铺真阔佬，先生反瞓系星君。偶然冚被横伸脚，有个开窗屹起身。 慌到鼻歌窿冇肉，原来佢会睇天文。

5、打麻将： 买齐幌子当孤番，跌落天嚟几咁闲。 拼命做成清一色，绝张摩起大三翻。尾糊整定输家食，手气全凭旺位搬。 边个龟公唔好彩，十铺九趟畀人拦。

6、七律《垓下吊古》： 又高又大又嵯峨，临死唔知重唱歌。 三尺多长锋利剑，八千靓溜后生哥。